સ્પેન / આ દેશમાં વેશ્યાવૃત્તિનો અબજોનો કારોબાર: આખરે સરકારે એવું એલાન કર્યું કે દુનિયાભરમાં ચર્ચા 

• સ્પેનના PM  કહ્યું સ્પેનમાં વેશ્યાવૃતિની પ્રવૃતિઓ વધી રહી છે 
• સ્પેનમાં  વેશ્યાવૃત્તિની અબજો રૂપિયાનો કારોબાર છે
• 2019માં સ્પેનની પોલીસે 896 મહિલાઓને આ પ્રવૃતિમાંથી મુક્તી અપાવી  

સ્પેનના PM પેડ્રો સાન્ચેઝે કહ્યું સ્પેનમાં વેશ્યાવૃતિની પ્રવૃતિઓ વધી રહી છે 

સ્પેનના વડાપ્રધાન પેડ્રો સાન્ચેઝે રવિવારે દેશમાં વેશ્યાવૃત્તિને ગુનાહિત બનાવવાનું વચન આપ્યું હતું. વેલેન્સિયામાં તેમના શાસક સમાજવાદી વર્કર્સ પાર્ટીના ત્રણ દિવસીય સંમેલનમાં  તેમણે વેશ્યાવૃત્તિ પર પ્રતિબંધ મૂકવાના શપથ લીધા હતાં. સાન્ચેઝે કહ્યું કે, તે એક પ્રથા છે. જે મહિલાઓને ગુલામ બનાવે છે.અને મહિલાઓ સામે હિંસાનું સૌથી ખરાબ સ્વરૂપ છે.

સ્પેનમાં  વેશ્યાવૃત્તિની અબજો રૂપિયાનો કારોબાર છે 

1995 માં, સ્પેનમાં વેશ્યાગીરી ગુનાના દાયરામાંથી બહાર કરવામાં આવી હતી. 2016 માં યુએનના અંદાજ મુજબ, દેશમાં વેશ્યાવૃત્તિનો વેપાર 4.2 અબજ ડોલર અથવા લગભગ 4.2 અબજ ડોલરથી વધુનો હતો. 2009 નો સર્વે રિપોર્ટ સૂચવે છે કે સ્પેનમાં દરેક ત્રીજો વ્યક્તિ સેક્સ માટે કિંમત ચૂકવે છે. જો કે, 2009 માં જ પ્રકાશિત થયેલ અન્ય એક અહેવાલ સૂચવે છે કે આ આંકડો વધીને 39 ટકા થઈ શકે છે. 2011 માં, સંયુક્ત રાષ્ટ્રએ સ્પેનને વિશ્વમાં વેશ્યાવૃતિના ત્રીજા સૌથી મોટા કેન્દ્ર તરીકે માન્યતા આપી. આ કિસ્સામાં, માત્ર થાઇલેન્ડ અને પ્યુઅર્ટો રિકો સ્પેનથી આગળ હતા.

સ્પેનમાં 3 લાખ મહિલાઓ વેશ્યાવૃત્તિના સંકળાયેલી છે 

સ્પેનમાં પૈસાના બદલામાં સેક્સ સેવા લેનારાઓ માટે કોઈ સજા નથી, સિવાય કે તે જાહેર સ્થળે કરવામાં ના કર્યું હોય તો, જો કે, સેક્સ વર્કર અને કલાયન્ટ વચ્ચે વેશ્યાવૃત્તિની દલાલી કરવી અથવા પ્રતિનિધિ તરીકે કામ કરવું દેશમાં ગેરકાદેસર છે.દેશમાં વેશ્યાવૃત્તિને કાયદેસર બનાવ્યા બાદ આ ઈન્ડસ્ટ્રીઝે ઝડપથી પ્રગતિ કરી છે. સ્પેનમાં લગભગ ત્રણ લાખ મહિલાઓ વેશ્યાવૃત્તિના વ્યવસાય સાથે સંકળાયેલી છે.

2019માં સ્પેનની પોલીસે 896 મહિલાઓને આ વેશ્યાવૃત્તિમાંથી મુક્તી અપાવી  

વર્ષ 2019માં સ્પેનની પોલીસે 896 મહિલાઓને વેશ્યાવૃત્તિના દલદલમાંથી મુક્તી અપાવી હતી. એક રિપોર્ટ અનુસાર સેક્સ વર્કર તરીકે કામ કરતી આ મહિલાઓમાંથી 80 ટકાથી વધુ મહિલાઓ માફિયાઓની પકડમાં હતી. APRAMP નામનું એક સંગઠન, જે જાતીય શોષણ અટકાવવા માટે ઝુંબેશ ચલાવે છે, કહે છે કે વેશ્યાવૃત્તિ મહિલાઓની જાતીય સ્વતંત્રતાની અભિવ્યક્તિ નથી. તેની મજબૂરીઓ હિંસા, અધિકારોનો દુરુપયોગ, આર્થિક પડકારો અને જાતિવાદી પુરુષપ્રધાન સંસ્કૃતિ સાથે જોડાયેલી છે. સોશિયાલિસ્ટ પાર્ટીનો આ પ્રસ્તાવ એવા સમયે આવ્યો છે જ્યારે જાતીય હિંસા અને સહમતિથી સેક્સ જેવા મુદ્દાઓ જાહેર ચર્ચાનો એક ભાગ રહે છે.