OMG / બિલ ગેટ્સે પોતાના જ ભાઈબંધની ગર્લફ્રેડ ચોરી લીધી, જૂનાં દિવસો યાદ કરીને મિત્રએ કર્યો ધડાકો

• અમેરિકન અબજોપતિ માર્ક ક્યુબાને કર્યો ગેટ્સ વિશે ખુલાસો 
• માર્કની ગર્લફ્રેન્ડ્ બીલ ગેટ્સે ચોરી કર્યાનો આરોપ લગાવ્યો 
• ફોર્બ્સની 400 અબજોપતિઓની યાદીમાં માર્ક ક્યુબાનું પણ નામ 

અમેરિકન અબજોપતિ માર્ક ક્યુબાને એક ઇન્ટરવ્યૂમાં ખુલાસો કર્યો છે કે કેવી રીતે યુવાન બિલ ગેટ્સે તેની ફીમેલ મિત્ર સાથે મિત્રતા કરી હતી અને તેનાથી દૂરી કરી દીધી હતી. 63 વર્ષ જૂનો આ માર્ક હાલ દુનિયાભરમાં જાણીતું નામ છે. તે શાર્ક ટેન્કનો ઇન્વેસ્ટર છે અને આ શોથી તે સુપરહિટ થઇ ગયો છે. માર્કે જે વાત કહી તે 1980ના દાયકાની છે અને લાસ વેગાસમાં કંઈક એવું હતું જે તે આજ સુધી ભૂલ્યો નથી. પોડકાસ્ટ 'ફુલ સેન્ડ'માં માર્કે કહ્યું છે કે આ ઘટના 1986માં કોમ્પ્યુટર ટ્રેડ શો કોમડેક્સ દરમિયાન બની હતી અને તે સમયે બિલની કંપની માઇક્રોસોફ્ટ પહેલીવાર પબ્લિક હતી. માર્કના જણાવ્યા પ્રમાણે આ પછી જ બિલ 'કિંગ ઓફ ટેક' બની ગયો હતો.

ત્યારપછી આજ સુધી વાત નથી થઇ  
માર્ક ક્યુબાના જણાવ્યા પ્રમાણે તેની ઉંમર લગભગ 26- 27 વર્ષની હશે. તેણે પોતાની કંપની શરૂ કરી. તેણે કહ્યું કે તે તેની ગર્લફ્રેન્ડ્સ માટે દારૂ ખરીદી રહ્યો હતો અને ત્યારે જ તેણે કહ્યું કે તેને વોશરૂમ જવું છે. તે વોશરૂમમાં ગઈ પણ પાછી ન આવી. જ્યારે તે પાછી ન આવી તો તે હેરાન થઇ ગઇ અને સાથે જ કોઇએ તેને કહ્યું કે બિલ ગેટ્સ તે છોકરીઓને લઇને ચાલ્યા ગયા છે. પોડકાસ્ટમાં ક્યુબાને કહ્યું, "બિલ ગેટ્સે મારી ગર્લફ્રેન્ડ્સને ચોરી લીધી હતી. માર્ક ક્યુબાના જણાવ્યા અનુસાર આ ઘટના બાદ તેઓ અને બિલ ગેટ્સની મુલાકાત માત્ર એક જ વખત થઇ છે અને આ બેઠકથી ગેટ્સ ખૂબ જ ગુસ્સે થયા હતા. તેમણે કહ્યું હતું કે, એક કોન્ફરન્સમાં બંનેનો આમને-સામને મુકાબલો થયો હતો અને બંને વચ્ચે ભાષણ થવાનું હતું. ગેટ્સને પહેલાં બોલવાનું હતું. ક્યુબાને આયોજકોને કહ્યું હતું કે તેઓ અહીં એટલા માટે આવ્યા છે કારણ કે તેમની સમક્ષ બિલ ગેટ્સને બોલવાની તક મળી હતી. જ્યારે તેનો વારો આવ્યો ત્યારે તેણે બિલ ગેટ્સ પર મજાક કરી કે તેને બિલકુલ પસંદ નથી. ત્યાર બાદ બંને વચ્ચે કોઇ વાતચીત થઇ નથી. ગેટ્સ તરફથી હજી સુધી કોઈ પ્રતિક્રિયા આપવામાં આવી નથી.

માર્ક ક્યુબા કોણ છે?
ફોર્બ્સની 400 અબજોપતિઓની યાદીમાં માર્ક ક્યુબા 177મા નંબરે છે અને તેમની પાસે 4.7 અબજ ડોલરની સંપત્તિ છે. માર્ક ડલ્લાસ મેવરિક્સ નામની એક વ્યાવસાયિક બાસ્કેટબોલ ટીમનો માલિક છે. તેમની ટીમ નેશનલ બાસ્કેટબોલ એસોસિએશન (NBA) હેઠળ રજિસ્ટર્ડ છે. આ સિવાય તે 2929 એન્ટરટેનમેન્ટના સહ-માલિક પણ છે. આ સિવાય એબીસી રિયલ્ટી ટેલિવિઝનની સિરીઝ શાર્ક ટેન્કમાં મુખ્ય રોકાણકારોમાં પણ સામેલ છે.

ગેટ્સ પર બીજા ઘણા બધા આરોપો 
ગેટ્સની કંપની હાલમાં વિશ્વની સૌથી મોટી કંપનીઓમાંની એક છે. ગેટ્સ પોતે તેમના સેવાભાવી કાર્યો માટે જાણીતા છે. સાથે જ તેમના લેક્ચર્સ પણ ખૂબ ફેમસ છે. આવા જ એક લેક્ચરમાં ગેટ્સે કહ્યું હતું કે, આ સમયે દુનિયામાં સૌથી મોટો ખતરો વાયરસના રૂપમાં તોળાઈ રહ્યો છે. ગેટ્સનું આ નિવેદન ત્યારે સાચું સાબિત થયું જ્યારે વર્ષ 2020માં કોરોના વાયરસે વિશ્વમાં માથું ઉચક્યું હતું. 1994માં બિલે મેલિન્ડા ગેટ્સ સાથે લગ્ન કર્યા હતા અને 2021માં છૂટાછેડા લીધા હતા. આ બંને વચ્ચે ખૂબ જ તણાવ હતો અને દુનિયાને ડિવોર્સ પહેલા જ આ વાતની જાણ થઈ ગઈ હતી. જે સમયે બિલ અને મેલિન્ડાના છૂટાછેડા થઇ રહ્યા હતા, તે સમયે તેમની એક બીજી સચ્ચાઇ બધાની સામે આવી રહી હતી. વર્ષ 2021માં બિલ પર કાર્યસ્થળો પર યૌન ઉત્પીડનનો આરોપ લાગ્યો હતો. તાજેતરમાં જ ગેટ્સે જાહેરાત કરી છે કે, તેઓ પોતાની તમામ પ્રોપર્ટી પોતાના ચેરિટેબલ ટ્રસ્ટને દાનમાં આપશે.