જુનમાં ટ્વિટર અને મસ્ક વચ્ચેનો સોદો ભાંગી પડ્યો હતો
દુનિયાના નંબર વન અમીર એલન મસ્કે ફરી વાર ટ્વિટરને ખરીદવાની તૈયારી દેખાડી છે. મીડિયા રિપોર્ટ અનુસાર, ટ્વિટર ખરીદીનો અટકી પડેલો સોદો મસ્કે ફરી આગળ વધાર્યો છે. એલન મસ્કે હવે કહ્યું છે કે તેને ટ્વિટરના એક શેર દીઠ 54.20 ડોલરનો ભાવ ચૂકવી શકે છે ઉલ્લેખનીય છે કે મસ્ક અગાઉ પણ આ જ ભાવે ટ્વિટરને ખરીદવા તૈયાર હતા પરંતુ છેલ્લી ઘડીએ ફેક એકાઉન્ટના મુદ્દે બન્ને વચ્ચે વાંધો પડતા સોદો પડી ભાંગ્યો હતો.
Billionaire Elon Musk is expected to propose going ahead with his takeover of Twitter Inc at $54.20 per share, reports Reuters
8 જુલાઈએ મસ્કે ટ્વિટર સાથેનો સોદો ખતમ કર્યો હતો
13 એપ્રિલ 2022ના રોજ એલન મસ્કે ટ્વિટર ખરીદવાની જાહેરાત કરી હતી. તેમણે સોશિયલ મીડિયા પ્લેટફોર્મને 54.2 ડોલર પ્રતિ શેરના દરે 44 અબજ ડોલરમાં ખરીદવાની ઓફર કરી હતી. પરંતુ પછી સ્પામ અને ફેક એકાઉન્ટના કારણે તેમણે તે ડીલને રોકી રાખી હતી. મે મહિનાની શરૂઆતમાં એસઈસી ફાઇલિંગમાં, ટ્વિટરે કહ્યું હતું કે તેમના પ્લેટફોર્મ પર ફક્ત 5 ટકા સ્પામ એકાઉન્ટ્સ છે. આનાથી ટ્વિટર અને મસ્ક વચ્ચે મતભેદો થયા. આ પછી, 8 જુલાઈએ, મસ્કે આ સોદો તોડવાનો નિર્ણય લીધો હતો. પરંતુ હવે એલન મસ્ક ફરી આ ડીલને લઇને ગંભીર થયા છે અને ટ્વિટરને 54.20 ડોલર પ્રતિ શેરના ભાવે ખરીદવાની તૈયારી કરી રહ્યા છે.
મસ્કની ઓફર બાદ ટ્વિટરના શેરમાં આવ્યો 18 ટકાનો ઉછાળો
બ્લૂમબર્ગ ન્યૂઝના અહેવાલ મુજબ, એલન મસ્ક 54.20 ડોલર પ્રતિ શેરની મૂળ ઓફર કિંમત માટે ટ્વિટરને ખરીદવાનો પ્રસ્તાવ મૂકી રહ્યા છે. મસ્કે ટ્વિટરને લખેલા પત્રમાં આ પ્રસ્તાવ મૂક્યો હતો. આ સમાચાર પર ટ્વિટરના શેરમાં 18 ટકા સુધીનો ઉછાળો આવ્યો હતો, ત્યારબાદ ટ્રેડિંગ થોડા સમય માટે અટકી ગયું હતું.