એક સેલિબ્રિટી અચાનક ફેન્સ પાસે પૈસા માંગવા લાગ્યો અને તેના પર પૈસાનો વરસાદ પણ થઇ ગયો. જાણીને થોડું અજીબ લાગશે પરંતુ આ વાત સાચી છે.
અબજોપતિ સેલિબ્રીટીએ ફેન્સ પાસે માંગ્યા રૂપિયા
ટ્વિટ કરીને કહ્યું મને પૈસા આપો તો લોકોએ કર્યો ઢગલો
આ રૂપિયા તે સેવાકાર્ય માટે વાપરશે
નાઇઝીરીયન-અમેરિકી સંગીતકાર ડેવિડોએ ઘોષણા કરી કે તે નાઇઝીરીયાના અનાથાશ્રમમાં 4.5 કરોડ રૂપિયા દાનમાં આપશે. ડેવિડોએ ઓનલાઇન આ મુહિમની શરૂઆત કરી હતી અને ફેન્સને પણ આ મુહિમ ખુબ પસંદ આવી હતી.
ટ્વિટર પર માંગ્યા પૈસા
ડેવિડોએ આ અઠવાડીયાની શરૂઆતમાં જ ટ્વિટર પર લખ્યું કે, જો તમે જાણો છો તે મે તમને કોઇ હિટ સોન્ગ આપ્યું છે તો મને પૈસા આપો. પોતાના ગીતો દામી ડ્યુરો અને ફોલ માટે ફેમસ ડેવિડો એક દશકના કલાકારોમાં મેઇન છે. ઇન્સ્ટા પર સૌથી વધારે ફોલોઅર્સ ધરાવનાર આફ્રીકી કલાકાર છે.
ફંડરેઝર લોન્ચ કર્યું
તેણે બુધવારે પોતાનું ફંડરેઝર લોન્ચ કર્યુ હતુ. તેણે લોકોને કહ્યું કે એક બંદર પર પોતાની રોલ્સ રોયસ ફસાઇ છે જેના માટે 100 મિલિયન નાયરા એકઠા કરવાના છે. શરૂઆતી 10 મીનિટમાં તેણે 17000 ડૉલર એકઠા કરી લીધા હતા. શનીવારે તેણે 485000 ડૉલર એકઠા કર્યા હતા. આ રૂપિયા તે સેવાકાર્ય માટે વાપરશે.
ડેવિડોએ નિવેદન આપ્યું કે મેં થોડા દિવસ પહેલા કહ્યું હતું કે મારા મીત્રો અને સહકર્મીઓ મને પૈસા મોકલે. તેમાં ખુબ પૈસા આવ્યા અને તે પોતાના દરેક જન્મદિવસ પર જરૂરિયાતમંદ લોકોની મદદ માટે ફંડ એકઠુ કરે છે. ડેવિડોએ કહ્યું કે 89 લાખ રૂપિયા તે વ્યક્તિગત પણ દાન કરશે. તેણે બુધવારે ફંડરેઝર પોસ્ટ કર્યુ હતુ જેમાં ઘણા સેલેબ્સ મદદ માટે આવ્યા હતા. નાઇઝીરીયન રેપર MI અબાગાએ 1 મિલીયન નાયરા મોકલ્યા હતા અને લખ્યું હતું મારે ડેવિડો સાથે એક હિટ ગીત કરવું છે.