તહેવાર / અમેરિકામાં દિવાળીની રાષ્ટ્રીય રજા જાહેર થશે? સાંસદોએ શરુ કર્યું આ મોટું કામ

• અમેરિકી સંસદમાં બીલ રજૂ કરાયું
• દિવાળીની રાષ્ટ્રીય રજા જાહેર કરો
• ભારતીય મૂળના સાંસદે રજૂ કર્યું બીલ
• પાસ થશે તો અમેરિકામાં દિવાળીની રાષ્ટ્રીય રજા જાહેર થશે 

વિશ્વની મહાસત્તા અમેરિકામાં હવે દિવાળીના તહેવારોની રાષ્ટ્રીય રજા જાહેર કરાય તે દિવસો હવે દૂર નથી. અમેરિકામાં દિવાળીની રાષ્ટ્રીય રજા જાહેર કરવા  માટે ભારતીય મૂળના સાંસદોએ બીડુ ઝડપ્યું છે. 

ભારતીય મૂળના સાંસદોએ સંસદમાં દિપાવલી ડે એક્ટ રજૂ કર્યો 

અમેરિકી સાંસદોએ સંસદમાં  દિવાળીની રાષ્ટ્રીય રજા જાહેર કરવા માટે એક બીલ રજૂ કર્યું છે. તેનું નામ દિપાવલી ડે એક્ટ છે. જો તેને સંસદના બન્ને ગૃહોની મંજૂરી મળશે તો દેશમાં દિવાળીની રાષ્ટ્રીય રજા જાહેર કરવામાં આવશે. ભારતીય મૂળના અમેરિકી સાંસદ રાજા કૃષ્ણમૂર્તિએ દિવાળીને ધાર્મિક અને ઐતિહાસિક માન્યતા આપનાર પ્રસ્તાવને અમેરિકી કોંગ્રેસમાં રજૂ કર્યો છે. અમેરિકી સંસદમાં પ્રસ્તાવ રજૂ કરતા સાંસદ કૃષ્ણમૂર્તિએ જણાવ્યું કે અમેરિકા અને દુનિયાભરમાં વસેલા શીખ, જૈન અને હિંદુઓ માટે દિવાળી અંધકાર પર પ્રકાશનો વિજય અને બુરાઈ પર અચ્છાઈની જીતનો ઉત્સવ છે. 

અમેરિકાના પ્રમુખ પણ વ્હાઈટ હાઉસના દિવાળી ઉજવતા હોય છે

અમેરિકાના પ્રમુખ પણ વ્હાઈટ હાઉસના દિવાળી ઉજવતા હોય છે અને ભારતીયોને અભિનંદન આપતા હોય છે. ભારતીય સાંસદો દ્વારા રજૂ કરવામાં આવેલું આ બીલ આગામી સમયમાં પાસ થઈ જાય તેવી પૂરી શક્યતા છે. 

બીલ રજૂ કરતી વખતે ભારતીય મૂળના સાંસદે શું કહ્યું 

તેમણે કહ્યું હતું કે, દિવાળીના ઐતિહાસિક અને ધાર્મિક મહત્વને સ્વીકારતી આ દરખાસ્ત આ મહત્વપૂર્ણ પ્રસંગે વિશ્વભરના ભારતીય અમેરિકનો અને વિદેશી ભારતીયો પ્રત્યે ઊંડો આદર વ્યક્ત કરે છે. કૃષ્ણમૂર્તિએ કહ્યું હતું કે દીપાવલીના વિશાળ ધાર્મિક, સાંસ્કૃતિક અને ઐતિહાસિક મહત્વને માન્યતા આપવા માટે આ દ્વિપક્ષીય પ્રસ્તાવ રજૂ કરવામાં તેમને ગર્વ છે.તેમણે કહ્યું કે કોરોના મહામારી દરમિયાન બીજી દિવાળી ઉજવતી વખતે હું આશા રાખું છું કે આપણે જોઈશું કે વિશ્વમાં અંધકાર પર પ્રકાશનું પ્રભુત્વ છે. હું ઇચ્છું છું કે જે પરિવારો તેમના ઘરમાં પ્રિયજનો સાથે દીવા પ્રગટાવી દિવાળી ની ઉજવણી કરવા માટે ભેગા થાય છે અને બધા માટે સારા સ્વાસ્થ્ય અને શાંતિ માટે પ્રાર્થના કરે છે તેમના માટે સલામત અને સુખી દિવાળીની ઇચ્છા રાહું છું.