ખુલાસો / બિલ ગેટ્સના અંગત જીવન વિશે ચોંકાવનારા ખુલાસાઓ, દારૂ પીને કરતા હતા Nude Party 

• મહિલા ડાંસરો સાથે કરતા હતા ન્યુડ પાર્ટી
• વોશિંગ્ટન વૉટરફોલમાં કરતા હતા પાર્ટી
• ઘણી વાર પીતા હતા વધુ પડતો દારૂ

માઇક્રોસોફ્ટના સ્થાપક બિલ ગેટ્સના તેની પત્ની મેલિન્ડા ગેટ્સ સાથે ડિવોર્સ થઈ ચૂક્યો છે. ડિવોર્સ થઈ ગયા છતાં, બિલ ગેટ્સના જીવન સાથે સંકળાયેલા ચોંકાવનારા કિસ્સા હજી પણ સામે આવી રહ્યા છે.   

મહિલા ડાંસરો સાથે કરતા હતા ન્યુડ પાર્ટી
એક અહેવાલ અનુસાર, બિલ ગેટ્સ માઇક્રોસોફ્ટની સ્થાપનાના સમય દરમિયાન ખૂબ ઉત્સાહી હતા. લગભગ 80થી 90ના દાયકાની વચ્ચેના સમયગાળામાં બિલ ગેટ્સ પાર્ટી કરવાના ખૂબ જ શોખીન હતા. બિલ ગેટ્સ કંપનીને સ્થાપવા માટે દિવસના લગભગ 17 કલાક કામ કરતા હતા. ઘણી વાર બિલ ગેટ્સ ફ્રી ટાઈમમાં પાર્ટી કરતા હતા. બિલ ગેટ્સ તેના મિત્રો અને ઓલ ન્યૂડ ક્લબની ડાન્સર્સને પાર્ટી કરવા માટે બોલાવતા હતા. ત્યારબાદ તે બધા વોશિંગ્ટન વૉટર ફોલમાં ન્યુડ પાર્ટી કરતાં હતા. 

વોશિંગ્ટન વૉટરફોલમાં કરતા હતા પાર્ટી     
એક અહેવાલ મુજબ, બિલ ગેટ્સ ન્યુડ પાર્ટી કરવા માટે પોતે જ ઓલ ન્યૂડ ક્લબની ડાંસર્સને વૉટરફોલ પર લઈ જતા હતા. બિલ ગેટ્સ નિયમિત રીતે કોમ્ડેક્સ અને ડેમો જેવા મહત્વપૂર્ણ કમ્પ્યુટર એક્સપો ટ્રેડ કોન્ફરન્સમાં ભાગ લેતા હતા. આ પ્રકારની કોન્ફરન્સમાં બિલ ગેટ્સ મોટેભાગે મુખ્ય વક્તા તરીકે હાજર રહેતા હતા.

બિલ ગેટ્સ ઘણી વાર વધુ પડતો દારૂ પી જતા હતા
બિલ ગેટ્સ ઘણી વાર કોમ્ડેક્સ અને ડેમો કમ્પ્યુટર એક્સપો ટ્રેડ કોન્ફરન્સ બાદ થતી પાર્ટીઓમાં વધારે દારૂ પી જતા હતા. એક રિપોર્ટ અનુસાર, જ્યારે તે લગ્ન પહેલા મેલિન્ડા ગેટ્સને ડેટ કરી રહ્યા હતા. તે છતાં પણ તેમના બીજા અફેર્સ ચાલુ હતા. 

બિલ ગેટ્સની છબી ખરાબ કરવાના પ્રયત્નો 
બિલ ગેટ્સના જીવન સાથે સંકળાયેલી બાબતોનો ખુલાસો કરતા તમામ પ્રકારના રિપોર્ટસ પર બિલ ગેટ્સ તરફથી કોઈ પ્રતિક્રિયા આવતી ન હોતી. જો કે, તેમના પ્રવક્તાએ નિવેદન આપીને આવા પ્રકારના રિપોર્ટ્સ પર દિલગીરી વ્યક્ત કરી છે. પ્રવક્તાઓએ જણાવ્યા અનુસાર, બિલ ગેટ્સના ડિવોર્સ થયા બાદ પણ તેમના જીવન સાથે સંકળાયેલી બાબતો વિશે ખોટી વાતો પ્રકાશિત કરવામાં આવી રહી છે. પ્રવક્તાએ જણાવ્યું હતું કે જે લોકો બિલ ગેટ્સના જીવન અંગે બિલકુલ જાણતા પણ નથી. તેવા લોકોને સૂત્રો જણાવી મીડિયા દ્વારા બિલ ગેટ્સની છબી ખરાબ કરવાના પ્રયત્નો કરવામાં આવી રહ્યો છે જે યોગ્ય બાબત નથી.