બિલ ગેટ્સ ભારતનાં પ્રવાસે છે ત્યારે મિત્ર આનંદ મહિન્દ્રા સાથે તેમની મુલાકાત બાદ તેમણે મહિન્દ્રા કંપનીની ઈ-રિક્ષા ચલાવી હતી. જુઓ વીડિયો.
બિલ ગેટ્સે ચલાવી મહિન્દ્રાની ઇલેક્ટ્રિક રીક્ષા
સોશિયલ મીડિયા પર વીડિયો કર્યો પોસ્ટ
લખ્યું, ચલતી કા નામ બિલ ગેટ્સ કી ગાડી
દુનિયાનાં સૌથી ધનિક વ્યક્તિમાંથી એક અને માઇક્રોસોફ્ટનાં સંસ્થાપક બિલગેટ્સ હાલમાં ભારતમાં છે અને અહીં રોકાણનો આ સમય તેઓ ભરપૂર માણી રહ્યાં છે. હાલમાં તેઓ મહિન્દ્રાની 'ટ્રાયો', ઇલેક્ટ્રિક રિક્ષા ભારતનાં રસ્તા પર ચલાવતા નજરે આવ્યાં તે પણ એક ખાસ અંદાજમાં.. ચાલો જોઇએ સોશિયલ મીડિયા પર વાયરલ આ વીડિયોમાં બિલ્યોનેર બિલ ગેટ્સનો રિક્ષાવાળો અંદાજ...
બિલ ગેટ્સે ભારતમાં ચલાવી રિક્ષા
વિશ્વમાં ઇલેક્ટ્રિક વાહનોની ડિમાન્ડ ઝડપથી વધી રહી છે અને ઇલેક્ટ્રિક મોબિલિટીને પ્રોત્સાહિત કરવા માટે સરકારથી લઇ ઉદ્યોગપતીઓ આ દિશામાં સતત પ્રયાસ કરી રહ્યાં છે.. હવે દુનિયાનાં સૌથી ધનિક વ્યક્તિમાંથી એક બિલ ગેટ્સ પણ જ્યારે ઇ વિહિકલને ભારત જેવાં વિશાળ વસ્તી ધરાવતા દેશમાં પ્રોત્સાહિત કરવા માટે રિક્ષા ચલાવે તો કહેવું જ શું..
ઈન્સ્ટાગ્રામ પર પોસ્ટ કર્યો વીડિયો
બિલ ગેટ્સ તેમનાં ખાસ મિત્ર આનંદ મહિન્દ્રાની કંપની મહિન્દ્રા એન્ડ મહિન્દ્રા દ્વારા નિર્મિત પાવરફૂલ ઇલેક્ટ્રિક ઓટો રિક્ષા મહિન્દ્રા ટ્રાયો ચલાવતા નજર આવ્યાં.. જેનો વીડિયો તેમણે ખુદ તેમનાં ઇન્સ્ટાગ્રામ હેન્ડલ પર શેર કર્યો... સોશિયલ મીડિયા પર આ વીડિયો વાયુ વેગે વાયરલ થયો અને તેનાં પર કમેન્ટ્સ અને લાઇક્સનો વરસાદ થવા લાગ્યો છે. લોકો આ તેમના નવા અંદાજને પસંદ કરી રહ્યાં છે.
“Chalti ka Naam Bill Gates ki Gaadi” So glad you found the time to check out the Treo @BillGates Now on your next trip’s agenda should be a 3-wheeler EV drag race between you, @sachin_rt and me… pic.twitter.com/v0jNikYyQg
ચલતી કા નામ બિલ ગેટ્સ કી ગાડી...
મહિન્દ્રા એન્ડ મહિન્દ્રા કંપનીનાં સીઇઓ અને બિલ ગેટ્સનાં ખાસ મિત્ર આનંદ મહિન્દ્રાએ બિલ ગેટ્સનો વીડિયો ટ્વિટર પર શેર કરી લખ્યું.. ચલતી કા નામ બિલ ગેટ્સ કી ગાડી... બિલ ગેટ્સને ટ્રાયો ચલાવતા જોઇ ઘણી ખુશી થઇ.. હવે તમારી બીજી ટ્રિપનો એજન્ડા ઇલેક્ટ્રિક થ્રી વ્હિલર ડ્રેગ રેસ હોવો જોઇએ.. જે તમારા, મારા અને સચિન તેન્ડુલકર વચ્ચે હશે..