માઇક્રોસોફ્ટના સંસ્થાપક અને અરબપતિ બિલ ગેટ્સની સૌથી મોટી દીકરી જેનિફર ગેટ્સે લગ્ન કરી લીધા છે.
બિલ ગેટ્સની દીકરી બની દુલ્હન
ઇજીપ્તના યુવક સાથે કર્યા લગ્ન
બિલ ગેટ્સની પત્ની પણ લગ્નમાં રહી હાજર
જેનિફરે ઇજીપ્તના રહેવાસી 30 વર્ષીય ઘોડેસવાર મંગેતર નાયલ નાસર સાથે લગ્ન કર્યા છે. ગયા વર્ષે જાન્યુઆરીમાં બંનેએ સગાઇ કરી હતી. નાસર અને જેનિફરના લગ્નની ખુશીમાં શનિવારે બબપોરે ન્યૂયોર્કમાં એક રિસેપ્શન પાર્ટીનું પણ આયોજન કરવામાં આવ્યું હતું.
લગ્નમાં મેલિન્ડા પણ હાજર
ઉલ્લેખનિય છે કે બિલ ગેટ્સ અને મેલિન્ડાના છૂટાછેડા થઇ ગયા છે. ત્યારે દીકરીના લગ્નમાં માતા પણ હાજર રહી હતી. નાસર અને જેનિફરે વર્ષ 2017માં પહેલીવાર પોતાના સંબંધને સાર્વજનિક કર્યો હતો. તમને જણાવી દઇએ કે જેનિફર પણ પોતાના પાર્ટનરની જેમ એક હોર્સ રાઇડર છે. જેના કારણે જ બંને એકબીજાના આટલા નજીક આવ્યા છે.
કોણ છે નાસર?
નાસરના માતા પિતા એક આર્કિટેક્ચર અને ડિઝાઇન ફર્મના માલિક છે. નાસરનું બાળપણ કુવૈતમાં વિત્યુ અને તેનો એક ભાઇ છે જેનું નામ શરાફ નાસર છે.
નાસર હાલ કેલિફોર્નિયામાં રહે છે અને તે ઇજીપ્તનો એક પ્રોફેશનલ હોર્સરાઇડર છે. અત્યાર સુધી તે ઘણી સ્પર્ધામાં ભાગ લઇ ચૂક્યો છે. નાસરે 2013,2014 અને 2017માં ઇન્ટરનેશનલ ફેડરેશન ફોરર ઇક્વેસ્ટ્રીયન સ્પોર્ટ્સ વર્લ્ડકપના ફાઇનલ સુધી ક્વોલિફાય કર્યું હતુ.
અંગ્રેજી, ફ્રેન્ચ અને અરબી ભાષા બોલનાર નાસર પોતાની પત્નીની જેમ જ સ્ટેનફોર્ડ યુનિવર્સિટીમાંથી ગ્રેજ્યુએટ છે. નાસર પ્રોફેશનલ સ્પોર્ટ્સ પર્સનાલિટી છે અને બિઝનેસમેન પણ છે.