વર્લ્ડ / બિલ ગેટ્સ અને મેલિંડાએ 27 વર્ષ બાદ લીધા છૂટાછેડા, જાણો કેટલી સંપત્તિના છે માલિક 

• બિલ ગેટ્સે લીધા છૂટાછેડા 
• 27 વર્ષ બાદ થયા અલગ 
• કેટલી સંપત્તિના માલિક છે ગેટ્સ

બિલ ગેટ્સે ટ્વિટ કરીને આ જાણકારી આપી હતી. તેમણે ટ્વિટર પર લખ્યુ કે, ઘણુ વિચાર્યા અને સમજ્યા બાદ પોતાના સંબંધ તોડવાનો નિર્ણય લીધો છે.

27 વર્ષમાં અમે 3 બાળકોની પરવરિશ કરી અને એક શ્રેષ્ઠ સંસ્થા બનાવી હતી. જે દુનિયાભરના લોકોને સ્વસ્થ અને શ્રેષ્ઠ જીવન જીવવામાં મદદ કરે છે. અમે આ મિશનને શરૂ રાખીશુ અને લોકોની મદદ કરતા રહીશું. 

pic.twitter.com/padmHSgWGc

— Bill Gates (@BillGates) May 3, 2021

કેટલી સંપત્તિના માલિક છે 
ફોર્બ્સની 35મી સૂચી અનુસાર બિલગેટ્સ પાસે 124 બિલીયન ડૉલરની સંપત્તિ છે અને આ લિસ્ટમાં તે ચોથા સ્થાન પર છે અને આ લિસ્ટમાં પહેલા સ્થાન પર જેફ બેજોસ અને બીજી નંબર પર એલન મસ્ક અને ત્રીજા પર બર્નાર્ડ છે. 

દરેક સેકન્ડે કમાય છે આટલા રૂપિયા 
તમને જણાવી દઇએ કે બિલ ગેટ્સની દર સેકન્ડની કમાણી 12 હજાર 54 રૂપિયા છે એટલે કે એક દિવસની કમાણી 102 કરોડ રૂપિયા છે. તેના અનુસાર તે રોજ સાડા 6 કરોડ રૂપિયા ખર્ચ કરે તો પણ તેમને 218 વર્ષ લાગશે. 

27 વર્ષ પહેલા મેલિંડા સાથે થઇ હતી મુલાકાત 
બિલ ગેટ્સ અને તેમની પત્નીની પહેલી મુલાકાત 1987માં થઇ હતી. તે વખતે મેલિંડા માઇક્રોસોફ્ટમાં પ્રોડક્ટ મેનેજર હતી. વર્ષ 1994માં આ બંનેના લગ્ન લાની દ્વિપ પર થઇ હતી. કહેવામાં આવે છે કે તે વખતે ભીડ ઓછી કરવા માટે બધા હેલીકોપ્ટરને ભાડે લીધા હતા. 

1970ના દશકમાં બનાવી હતી કંપની 
તમને જણાવી દઇએ કે 1970માં બિલ ગેટ્સે માઇક્રોસોફ્ટ કંપનીની સ્થાપના કરી હતી. તે કંપનીએ બિલ ગેટ્સને ખુબ શોહરત અને રૂપિયા આપ્યા. 

31 વર્ષની ઉંમરમાં અરબપતિ 
મહત્વનુ છે કે, બિલ ગેટ્સ 31 વર્ષની ઉંમરમાં બિલ ગેટ્સ ઇતિહાસના સૌથી ઓછી ઉંમરના અરબપતિ બની ગયા હતા. આ રેકોર્ડ 2008 સુધી રહ્યો હતો બાદમાં 23 વર્ષની ઉંમરમાં ફેસબૂકના માલિક માર્ક ઝુકરબર્ગે તે રેકોર્ડ તોડી નાંખ્યો હતો.