VIDEO: / કૂદીને સુસાઇડની REELS બનાવવાના ચક્કરમાં યુવકનું મોત, 17 સેકન્ડનો અંતિમ વીડિયો થયો વાયરલ, મિત્રએ કહ્યું ઘણો સમજાવ્યો પણ ન માન્યો

• રીલ વીડિયો બનાવવાના ક્રેઝે વધુ એક ભોગ લીધો
• છત્તીસગઢના બિલાસપુરમાં  રીલ બનાવતી વખતે યુવકનું મોત
• માથામાં ઈજાના કારણે તેમનું ઘટનાસ્થળે જ મોત નીપજ્યું 

છત્તીસગઢના બિલાસપુરમાં રીલ બનાવવાના શોખે એક છોકરાનો જીવ લીધો. આ છોકરો ઈન્સ્ટાગ્રામ પર આત્મહત્યાના કેસને લઈને રીલ બનાવી રહ્યો હતો. ત્યારે તેનો પગ લપસ્યો અને તે બિલ્ડીંગની છત પરથી નીચે પડી ગયો. આ તેમના મૃત્યુનું કારણ હતું. પોલીસે આ મામલે કેસ નોંધીને મૃતદેહને પોસ્ટમોર્ટમ માટે મોકલી આપ્યો છે. 

એક નાનકડી ભૂલ અને જીવ ગયો

મળતી માહિતી મુજબ જાંજગીર-ચંપા જિલ્લાના બિલાસપુરના સરકંડા વિસ્તારના સરખો ગામનો રહેવાસી આશુતોષ ગંધર્વ સાયન્સ કોલેજ ખાતે છત પર ચડીને આત્મહત્યાની રીલ બનાવી રહ્યો હતો. આ દરમિયાન તેનો પગ લપસી ગયો અને તે છત પરથી નીચે પડી ગયો. માથામાં ઈજાના કારણે તેમનું ઘટનાસ્થળે જ મોત નીપજ્યું હતું. આ ઘટનાના પગલે સમગ્ર વિસ્તાર અને પરિવારજનોમાં હાહાકાર મચી જવા પામ્યો હતો.  આ સમાચાર મળતાની સાથે જ પરિવારમાં અફરા-તફરી મચી ગઈ હતી. પુત્રનો મૃતદેહ જોઈને સંબંધીઓ ઘટનાસ્થળે પહોંચી ગયા હતા અને રડવા લાગ્યા હતા. આ પછી લોકોએ પોલીસને મામલાની જાણ કરી. આ અંગે પોલીસે ઘટનાસ્થળે પહોંચીને મૃતદેહને પોસ્ટમોર્ટમ માટે મોકલી આપ્યો હતો.

छत से छत कूदने की रील बनाने के लिए मशहूर बिलासपुर के युवक की हुई छज्जे से गिरकर मौत।

क्या समय आ गया है, चंद लाइक और फॉलोवर के लिए नौजवान अपनी जान तक दे रहे हैं। pic.twitter.com/1P3G4R2vD2

— Anurag Chaddha (@AnuragChaddha) March 18, 2023

આ મામલે પોલીસનું નિવેદન 

પોલીસનું કહેવું છે કે આ મામલે કેસ નોંધવામાં આવી રહ્યો છે. આશુતોષ ગાંધર્વ સાયન્સ કોલેજમાં ભણતો હતો. અહીં કોલેજ કેમ્પસના ટેરેસ પર તે મિત્રો સાથે ઈન્સ્ટાગ્રામ રીલ બનાવી રહ્યો હતો. ત્યારે આ દર્દનાક અકસ્માત સર્જાયો હતો અને તેનું ઘટનાસ્થળે જ મોત થયું હતું. એવું કહેવામાં આવી રહ્યું છે કે તે તેના મિત્ર સાથે મળીને આત્મહત્યાના કેસમાં રીલ બનાવવાનો પ્રયાસ કરી રહ્યો હતો.