OMG / રમતમાં પણ બિકીની પર પ્રતિબંધ : જર્મનીની ખેલાડીઓએ કર્યો બહિષ્કાર 

• કતારમાં બિકીની પર પ્રતિબંધ 
• પ્રતિબંધ થતા જર્મનીની ખેલાડીઓએ કર્યો બહિષ્કાર
• દેશમાં બિકીની પર લગાવવામાં આવ્યો છે પ્રતિબંધ

તેમણે જણાવ્યું છે કે, ''કતાર એકમાત્ર એવો દેશ છે, જ્યાં ખેલાડીઓને કોર્ટ પર બિકિની પહેરવાની મનાઈ છે, પરંતુ અમે ત્યાં અમારું કામ કરીશું, પરંતુ અમને અમારા કામ માટે જરૂરી કપડાં પહેરતાં રોકવામાં આવી રહ્યાં છે. આ કદાચ એકમાત્ર એવો દેશ અને એકમાત્ર એવી ટૂર્નામેન્ટ છે, જેમાં સરકાર અમને જણાવી રહી છે કે અમારે અમારું કામ કેવી રીતે કરવું જોઈએ. અમે આ નિર્ણયની ટીકા કરીએ છીએ.''

બ્રિટિશ મીડિયાના અહેવાલો અનુસાર કતાર FIVB વર્લ્ડ ટૂર ઈવેન્ટની યજમાની કરી રહ્યું છે, પરંતુ કોર્ટ પર કપડાંને લઈ કતારમાં કડક નિયમ બનાવવામાં આવ્યા છે. આ જ કારણથી વર્લ્ડ ચેમ્પિયનશિપ સિલ્વર મેડલિસ્ટ બોર્ગર અને તેની ડબલ પાર્ટનર સ્યૂડે ઈવેન્ટમાંથી હટી જવાનો નિર્ણય કર્યો છે. આ ટૂર્નામેન્ટ માર્ચમાં યોજાવાની છે. પહેલી વાર દોહામાં મહિલાઓની વર્લ્ડ ટૂર ઈવેન્ટ યોજાઈ રહી છે, જોકે આ શહેરમાં પુરુષો માટે વર્લ્ડ ટૂર સાત વર્ષથી યોજાઈ રહી છે.

બીચ વોલિબોલની મહિલા ખેલાડીઓને સામાન્ય રીતે પહેરવામાં આવતી બિકિનીના સ્થાન પર શર્ટ અને મોટું પેન્ટ પહેરવાનું કહેવામાં આવ્યું છે. ફેડરેશન ઓફ ઇન્ટરનેશનલ વોલિબોલે આ નિયમને 'યજમાન દેશની સંસ્કૃતિ અને પરંપરાઓનું સન્માન' કહ્યું છે.

કતાર એક પરંપરાગત ઇસ્લામિક દેશ છે, જ્યાં મહિલાઓ પાસેથી પરંપરાગત કપડાં પહેરવાની આશા રાખવામાં આવે છે, જોકે મોટી સંખ્યામાં વિદેશી કર્મચારી અને ટૂરિઝમને પ્રોત્સાહન આપવાના કારણે આ નિયમનું ચુસ્તપણે પાલન થતું નથી. અહીં મહિલાઓને બિકિની અને કતારના સ્થાનિક લોકોને સ્વિમિંગપૂલ અથવા પ્રાઇવેટ બીચ પર જોવી અસામાન્ય નથી.

જર્મન વોલિબોલ ફેડરેશને ખેલાડીઓ દ્વારા કરવામાં આવેલા બહિષ્કારના નિર્ણયનું સમર્થન કર્યું છે. ખેલાડીઓની ચિંતા એ પણ છે કે માર્ચમાં દોહામાં તાપમાન ૩૦ ડિગ્રી સુધી પહોંચી જતું હોય છે, જેના કારણે ખેલાડીઓ પરેશાન થઈ શકે છે.