દરિયા કિનારે રહેતા લોકોનુ કહેવુ હતુ કે તેમના વિસ્તારમાં સ્થિત ટુરિસ્ટ પ્લેસમાં રજા ગાળવા માટે આવેલા સહેલાણીઓ ટૂંકા કપડા પહેરીને અશોભનીય વ્યવહાર કરે છે. ત્યારબાદ સ્થાનિક વહીવટી તંત્રએ એક આદેશ જાહેર કર્યો.
દરિયા કિનારે પ્રદર્શન કરતા સહેલાણીઓની ખેર નથી!
સહેલાણીઓ ટૂંકા કપડા પહેરીને અશોભનીય વ્યવહાર કરે છે
સ્થાનિકોની ફરિયાદને આધારે મેયરે લીધો નિર્ણય
રસ્તા પર અંગ પ્રદર્શન કરતા દેખાશે તો તેની પર કડક પગલા ભરાશે
આ આદેશ મુજબ જો કોઈ બિકિની અથવા શર્ટ કાઢીને રસ્તા પર ફરતો દેખાયો તો તેના પર પગલા લેવામાં આવશે. આ મામલો ઈટાલીના દરિયાઈ વિસ્તાર Pompeii અને Naplesનો છે. મીડિયાના એક રિપોર્ટ મુજબ, અહીંના મેયરે એક આદેશ પસાર કર્યો છે, જે મુજબ જો કોઈ રસ્તા પર બિકિની પહેરીને, શર્ટ કાઢીને અથવા ટૂંકા કપડા પહેરીને અંગ પ્રદર્શન કરતા દેખાશે તો તેની પર કડક પગલા ભરવામાં આવશે.
સ્થાનિકોની ફરિચાદને પગલે લેવાયો નિર્ણય
ખરેખર, દરિયા કિનારે રહેતા સ્થાનિકોનુ કહેવુ હતુ કે તેમના વિસ્તારમાં સ્થિત ટુરિસ્ટ પ્લેસમાં રજા ગાળવા માટે આવેલા સ્થાનિકો ટૂંકા કપડા પહેરીને અશોભનીય વ્યવહાર કરે છે. જેના કારણે સ્થાનિકોને મુશ્કેલી થાય છે અને સ્થાનિકો અસ્વસ્થતા અનુભવે છે.
સહેલાણીઓને ચેતવણી
આ ફરિયાદને મેયરે ધ્યાનમાં લીધી અને બીચ પર આવતા સહેલાણીઓને ચેતવણી આપી કે જો કોઈ ટૂંકા કપડામાં અશોભનીય વ્યવહાર કરતો દેખાશે તો તેના પર 425 પાઉન્ડ (40 હજાર રૂપિયાથી વધુ)નો દંડ લગાવવામાં આવી શકે છે. મેયરે કહ્યું કે સ્થાનિકોને ડર છે કે સહેલાણીઓની હરકત દરિયાઈ શહેરની પ્રતિષ્ઠા અને જીવનન ગુણવત્તાને બરબાદ કરી રહી છે. એવામાં નિયમોનુ પાલન નક્કી કરવા માટે પોલીસ અધિકારી રસ્તા અને કોસ્ટલ એરિયામાં પેટ્રોલિંગ કરશે. જે સહેલાણીઓ શર્ટ વગરના અને સ્વિમવેરમાં જોવા મળશે તેના પર દંડ લગાવવામાં આવશે.