એક ચોંકાવનારી ઘટનામાં એક મુંબઈ શહેરના પોલીસકર્મીને એક બાઈક ચાલકે અડફેટે લઇને સડક ઉપર ઘસડ્યો હતો. આ પોલીસકર્મી બાઈક ચાલકને લોક ડાઉનમાં શહેર બહાર હરફર કરવા મુદ્દે રોકી રહ્યો હતો જેના પ્રતિકાર રૂપે ચાલકે તેને સડક ઉપર ઘસડ્યો હતો.
દેશમાં વધી રહેલા કોરોના વાયરસ ના કેસને કારણે સરકાર કડકમાં કડક લોક ડાઉન અમલમાં રહે તેવી તાકીદ કરી રહી છે. આ માટે પોલીસ વારંવાર લોકોને સમજાવવાથી રહીને બળપ્રયોગ સહિતને પદ્ધતિઓથી લોકોને ઘરમાં રહેવાનો અનુરોધ કરી રહી છે. કમનસીબે દેશમાં કેટલાક એવા અસામાજિક તત્વો છે જે પોલીસની ફરજમાં બાધારૂપ બનીને આમ તેમ હેરફેર ચાલુ રાખે છે.
મુંબઈના ડોંગરી વિસ્તારથી આ વીડિયો સામે આવ્યો છે. આ ચોંકાવનારી ઘટનામાં એક મુંબઈ શહેરના પોલીસકર્મીને એક બાઈક ચાલકે અડફેટે લઇને સડક ઉપર ઘસડ્યો હતો. આ પોલીસકર્મી બાઈક ચાલકને લોક ડાઉનમાં શહેર બહાર હરફર કરવા મુદ્દે રોકી રહ્યો હતો જેના પ્રતિકાર રૂપે ચાલકે તેને સડક ઉપર ઘસડ્યો હતો.
ડોંગરી વિસ્તારમાં પોલીસે લોક ડાઉનમાં ફરી રહેલા લોકોને કોર્ડન કરવા માટે રસ્તા ઉપર બેરીકેટ મુકેલા હતા. આ બાઈક ચાલકને રોકવા માટે પોલીસકર્મીએ પ્રયત્ન કર્યો પણ પુરપાટ ઝડપે આવતો ચાલક રોકાયો તો નહીં જ પણ એને કર્મચારીને પણ અડફેટે લીધો. આ ઘટના વીડિયોમાં કેદ થઇ ગઈ હતી. આખરે બાઈક ચાલક પણ સંતુલન ગુમાવીને રસ્તા ઉપર પટકાયો હતો.
આ પોલીસકર્મી અકસ્માત બાદ ઈજાગ્રસ્ત થયો હતો. નોંધનીય છે કે મુંબઈ શહેરમાં બૃહદમુંબઈ મ્યુનિસિપલ કોર્પોરેશન BMCએ શહેરમાં ૨૪૧થી વધારીને ૩૮૧ કોન્ટેમિનેશન ઝોન જાહેર કર્યા છે. આ કારણથી દેશની માયાનગરી મુંબઈની તમામ હિલચાલ થંભી ગઈ છે. શહેરમાં પોલીસ અને કોર્પોરેશને લોકોને ઘરમાં જ રહેવાની તાકીદ કરી છે અને કહ્યું છે કે તેમને જીવન જરૂરિયાતની ચીજવસ્તુઓ હોમદ ડિલીવરીમાં મળી જશે. મુંબઈમાં હાલ કોરોનાવાયરસના 650થી વધારે પોઝીટીવ કેસ છે.