Viral / ટોઈંગ કર્મીઓની દાદાગીરી, સુરતના નાગરિકને માર માર્યાનો VIDEO વાયરલ

જેમાં વરાછા ટ્રાફિક પોલીસની હાજરીમાં જ ટોઈંગ કરનાર કર્મચારીઓએ સ્થાનિક વ્યક્તિને માર માર્યો હતો. ત્યારે પોલીસ મૂક પ્રેક્ષક બનીને જોઈ રહી હતી અને ટોઈંગ કરનાર કર્મચારીઓને રોકવાની જગ્યાએ પોલીસે સ્થાનિક વ્યક્તિની અટકાયત કરી હતી. મહત્વનું છે કે, ચાલુ ગાડીએ ક્રેનમાંથી એક્ટિવા નીચે પડી ગયું હતુ. જેને લઈને સ્થાનિકોએ બાઈક ટોઈંગ કરનાર પોલીસકર્મી સાથે મારામારી કરી હતી.

ઉલ્લેખનીય છે કે, રાજ્યભરમાં ટ્રાફિકની સમસ્યામાં દિવસેને દિવસે વધારો થઇ રહ્યો છે. આ સમસ્યાના ઉકેલ માટે સ્થાનિક ટ્રાફિક પોલીસ દ્વારા ટોઇંગ કરવાની કામગીરી હાથ ધરવામાં આવે છે. ત્યારે આજરોજ એક ટોઇંગ કર્મી દ્વારા એક વ્યક્તિને માર મારમારવામાં આવતો હોય તેવો વીડિયો વાયરલ થયો હતો.