રાજ્યમાં લૂંટારૂઓ અને ચોરો બેફામ બન્યા છે ત્યારે અમદાવાદમાં કાયદા વ્યવસ્થાના લીરેલીરા ઉડાવતો કિસ્સો સામે આવ્યો છે. શહેરના મેમકો વિસ્તારમાં બંદૂક બતાવીને લૂંટ થઇ હોવાના અહેવાલ મળી રહ્યા છે. કેટલાક અજાણ્યા શખ્સો એ બંદૂક બતાવીને બાઇકની લૂંટ ચલાવી છે. જેને લઇને પોલીસ દોડતી થઇ હતી.
આ અજાણ્યા શખ્સો બંદૂકની અણીએ લૂંટ ચલાવી બાઈક લઈ ફરાર થઈ ગયા હતા. તો આ શખ્સો શંકાસ્પદ બેગ ઘટનાસ્થળે જ મુકીને જતાં રહ્યા, જેને લઈને અનેક સવાલો ઉઠી રહ્યા છે.
પ્રાથમિક તપાસમાં બેગમાંથી કપડાં, પૈસા અને નશીલો પદાર્થ મળી આવ્યો છે. હાલ આ મામલે પોલીસે વધુ તપાસ શરૂ કરી છે. આરોપીઓને ઝડપી લેવા કવાયત હાથધરી છે.