કોરોના / અમદાવાદમાં કર્મચારી બાઈક સેનિટાઇઝ કરવા પહોંચ્યો અને અચાનક જ બાઈક ભડકો થઇ, જુઓ Video

• વાહન સેનિટાઈઝિંગની કામગીરી દરમિયાન આગ
• આગની ઝપેટમાં બાઈક આવી જતા દોડધામ મચી
• સોશિયલ મીડિયામાં આગનો વીડિયો થયો વાયરલ 

અમદાવાદમાં એક ખાનગી કંપનીના ગેટ પર કર્મચારીઓની બાઈકના સેનિટાઈઝિંગ બાદ જ અંદર જવાની મંજૂરી આપવામાં આવી રહી હતી. આ કામગીરી દરમિયાન એક કર્મચારી પોતાની બાઈકને સેનિટાઈઝ કરાવી રહ્યો હતો ત્યારે અચાનક જ બાઈક આગની ઝપેટમાં આવી જતા દોડધામ મચી હતી. આ આગ લાગવાની ઘટનાનો વીડિયો સોશિયલ મીડિયામાં વાયરલ થયો હતો.

ગાડીમાં આગ લાગતા જ કર્મચારીને કંઇ સમજમાં ન આવ્યું. તે તાત્કાલિક ગાડી છોડીને ત્યાંથી દૂર ભાગી ગયો જ્યારે ત્યાં હાજર ગાર્ડ તે આગને બુઝાવવાનો પ્રયત્ન કરવા લાગ્યા. આગ જ્યારે ન બુઝાઈ તો ગાર્ડ દોડીને ગયા અને આગ બુઝાવનાર યંત્ર લઇને આવ્યા. પછી ત્યાં હાજર લોકોને કોઈ પ્રકારની આગ પર કાબૂ મેળવી લેવાયો પરંતુ ત્યાં સુધીમાં બાઈક સળગી ગઇ.