રાજકોટ / મોરબી હાઇવે પર બાઇક અને ટ્રાવેલ્સ ધડાકાભેર અથડાયા, યુવકનું કમકમાટીભર્યું મોત

• રાજકોટ મોરબી હાઇવે પર સર્જાયો અકસ્માત
• અર્પિત કોલેજ પાસે સર્જાયો અકસ્માત
• ખાનગી બસ અને બાઈક વચ્ચે અકસ્માત 

આ બનાવ અંગે પ્રાપ્ત થતી વિગત મુજબ, મથુરાનો રહેવાસી અને રાજકોટમાં રહેતો 22 વર્ષનો યુવક આજરોજ પોતાનું બાઇક લઇને મોરબી તરફ જઇ રહ્યો હતો. ત્યારે કાગદડી ગામ પાસે રોડનું કામ ચાલુ હોય તેથી ડાઇવર્ઝન હોવાથી સામેથી આવતી ખાનગી ટ્રાવેલ્સની બસ સાથે અથડાયો હતો. 

યુવકનું બાઇક ધડાકાભેર અથડાયું

યુવક બાઇક સહિત ધડાકાભેર ટ્રાવેલ્સ સાથે અથડાતા યુવક ઉછળી પડ્યો હતો અને બસના વ્હિલમાં આવી જતાં ઘટના સ્થળે જ તેનું કમકમાટીભર્યું મોત નિપજ્યું હતું. 

અકસ્માતને પગલે ટ્રાફિક જામ

આ બનાવને પગલે આસપાસના વિસ્તારમાં રહેલા લોકો તાત્કાલિક અસરથી ઘટના સ્થળે આવી પહોંચ્યા. જો કે, અકસ્માતની ઘટનાને પગલે ટ્રાફિક જામ થઇ ગયો હતો.