ઘોઘંબા નજીક મોરને બચાવવા જતા બાઇક ઝાડ સાથે અથડાઇ 3ના મોત

પંચમહાલઃ વધુ એક માર્ગ અકસ્માતે ત્રણ લોકોનાં મોત લીધા છે. મળતી માહિતી પ્રમાણે પંચમહાલના ઘોઘંબા નજીક બાઈક ચાલકને અકસ્માત નડ્યો છે. જેમાં બાઈકમાં સવાર ત્રણ લોકોનાં ઘટના સ્થળ પર જ મોત થયાં છે. 

જાણકારી મુજબ બાઈક સવાર શખ્સો જ્યારે જઈ રહ્યા હતા. તે દરમિયાન રસ્તામાં એક મોર આડો આવી જતા. તેને બચાવવાનો પ્રયત્ન કરતા બાઈક સવારે કાબૂ ગુમાવ્યો અને તેમની બાઈક રસ્તાની સાઈડમાં એક ઝાડ સાથે અથડાઈ જેમાં ત્રણેય શખ્સોનાં મોત થયાં.

સુરતઃ ડમ્પર ચાલકે બાઇક ચાલકને લીધો અડફેટે
સુરતના પુણા વિસ્તારમાં ડમ્પર ચાલકે બાઈક ચાલકને અડફેટે લીધો હતો. આ ઘટનામાં બાઈક ચાલકનુ ઘટનાસ્થળે મોત થયું. આ ઘટનાની જાણ થતા પોલીસકર્મીઓ ઘટનાસ્થળે દોડી આવ્યા હતા. પોલીસે ડમ્પર ચાલકની ધરપકડ કરીને આગળની કાર્યવાહી હાથધરી છે.

ખેડાઃ ટેમ્પો ચાલકનું ઘટનાસ્થળે મોત આઇસર ચાલક ફરાર
ખેડાના ડાકોડ-ઉમરેઠ રોડ પર આઈસર અને મીની ટેમ્પો વચ્ચે અકસ્માતની ઘટના સામે આવી છે. આઈસર અને મીની ટેમ્પો વચ્ચે અકસ્માત થતા એક ટેમ્પો ચાલકનુ ઘટનાસ્થળે મોત થયુ. અકસ્માત બાદ આઈસર ચાલક ફરાર થયો હતો. આ ઘટનાની જાણ થતા પોલીસકર્મીઓ ઘટનાસ્થળે દોડી આવ્યા હતા. પોલીસે અકસ્માતનો ગુનો નોંધીને વધુ કાર્યવાહી હાથધરી છે.