બિજનૌર જિલ્લાથી 43 કિમી દૂર ગામમાં ઈન્ટરનેટની સમસ્યાની વચ્ચે ચારૂલ ઘરના ધાબા પર બેસીને ઓનલાઈન અભ્યાસ કરી રહી છે.
બિજનૌરની દિકરીએ AIIMS દિલ્હીમાં લીધુ એડમિશન
ખેત મજૂરની દિકરી ચારૂલે પાસ કરી NEET
ડોક્ટર બનીને ગામના લોકોની સેવાનું છે સપનું
ઉત્તર પ્રદેશના એક નાનકડા ગામમાં રહેતા ખેત મજૂરની દિકરી ચારૂલ જણાવે છે કે, 'મને એ સમય પણ યાદ છે જ્યારે અમારી પાસે ઘરમાં એક રૂપિયો પણ ન હતો. કંઈક ખરીદવા માટે મારા પિતાને બીજા પાસેથી ઉધાર લેવું પડતું હતું.' હવે ચારૂલે પોતાની મહેનત અને ધગસથી મેડિકલ એન્ટ્રસ પરીક્ષામાં સફળતા મેળવતા AIIMS નવી દિલ્હીમાં એડમિશન લીધુ છે.
ઓન ઈન્ડિયા 631મો રેન્ક મેળવ્યો
બિજનૌર જિલ્લાના કીરતપુર ગામના રહેવાસી ચારૂલે NEET પરીક્ષામાં ઓન ઈન્ડિયા 631મો રેન્ક હાસલ કર્યો છે. SC કેટેગરીમાં તેણે 10મોં રેન્ક મેળવ્યો છે. સાયન્સની સ્ટૂડન્ટ રહેલી ચારૂલે 12માં ધોરણની પરીક્ષામાં સાઈકોલોજીમાં 98%, બાયોલોજીમાં 97%, ફિઝિક્સ અને કેમેસ્ટ્રીમાં 95% અને ઈંગ્લિશમાં 80% માર્ક્સ મેળવ્યા છે. 12માંની પરીક્ષામાં તેના 93 ટકા આવ્યા હતા.
ગામના લોકોની સેવા કરવાનું છે સપનું
બિજનૌર જિલ્લાથી 43 કિમી દૂર ગામમાં ઈન્ટરનેટની સમસ્યાની વચ્ચે ચારૂલ ઘરના છત પર બેસીને ઓનલાઈન અભ્યાસ કરે છે. લેપટોપ ન હોવા પર તે સ્માર્ટફોનથી જ ક્લાસ લઈ રહી છે. ચારૂલ કહે છે કે તેનું સપનું MBBSની ડિગ્રી લઈને ગામના લોકોની સેવા કરવાનું છે.
પાંચમા ધોરણ સુધીનો અભ્યાસ ગામની જ પ્રાઈમરી સ્કૂલમાં કરનાર ચારૂલ ડોક્ટરનો અભ્યાસ કરનાર પોતાના ગામની પહેલી છે. તેણે જણાવ્યું, "મારા ગામની યુવતીઓના જલ્દી લગ્ન કરાવવામાં આવે છે. માટે તેમને મજબૂરીમાં અભ્યાસ છોડવો પડે છે. મારા પર ભરોસો કરવા બદલ હું મારા પેરેન્ટ્સનો ધન્યવાદ કરૂ છું."