શરમજનક / KBCમાં 25 લાખ જીતનારી બિહારની મર્દાનીને સાસરીપક્ષના લોકોએ માર્યો માર, જાણો શું છે વિવાદ 

• કેબીસીમાં જીત્યા હતા 25 લાખ 
• ફાતિમા ખાતુન એનજીઓ સાથે કરે છે કામ
• પાંચ લાખ રૂપિયાની સાસરીપક્ષે કરી માગ

ફાતિમાએ કરી ફરિયાદ 
ફાતિમા ખાતૂને આરોપ લગાવ્યો છે કે તેના સાસરીના લોકો તેને માર મારે છે અને આ સમગ્ર વિવાદ સંપત્તિ સાથે જોડાયેલો છે. પીડિતાની ફરિયાદ બાદ પોલીસે તપાસ શરૂ કરી દીધી છે. 

ભાઇઓએ કરી મારપીટ 
ટાઉન પોલીસ સ્ટેશનમાં ફાતિમાએ 13 માર્ચ 2016ના રોજ મિર્જાભાગના અક્રમ હુસૈન સાથે લગ્ન થયાની વાત કરી હતી. એનજીઓમાં કામ કરવાને કારણે માનવ તસ્કરો વિરુદ્ધ તે સક્રિય રહે છે. અકરમના લગ્ન પહેલા પણ કોલકાતાની રેહાના સાથે થયા હતા પરંતુ જે બાદ તેની સાથે તલાક લઇને ફાતિમા સાથે લગ્ન કર્યા હતા પરંતુ ફાતિમાના સાસરીપક્ષના લોકો પર પહેલી પત્નીને બોલાવીને તેને સંપત્તિમાંથી બેદખલ કરવાનો આરોપ છે. 

ફાતિમાનું કહેવું છે કે   જ્યારે 2 ફેબ્રુઆરીના રોજ તે તેના સાસરે પહોંચી તો તેના સાસરીપક્ષના લોકો તેના પતિને બાંધીને માર મારી રહ્યા હતાં. તેનો વિરોધ કરવા પર તે લોકોએ તેના 5 વર્ષના બાળકને માર્યો હતો અને 5 લાખ રૂપિયા દહેજની માગ કરી હતી. સોનાની ચેન પણ છીનવી લેવાનો આરોપ લગાવ્યો હતો. 

કેબીસીમાં જીત્યા હતા 25 લાખ રૂપિયા 
2013-14માં ફાતિમા ખાતૂને રિયાલીટી શો કોન બનેગા કરોડપતિમાં મર્દાની ફિલ્મની હિરોઇન રાની મુખર્જી સાથે મળીને ગેમ શોમાં 25 લાખ રૂપિયા જીત્યા હતા. અમિતાભે ફાતિમાને સાચી મર્દાની કહી હતી. 

કોણ છે ફાતિમા
ફારબિસગંજ રેડ લાઇટ એરિયાની રહેવાવાળી ફાતિમા આ ધંધાનો વિરોધ કરે છે. બાદમાં એક એનજીઓ સાથે મળીને માનવ તસ્કરી વિરુદ્ધ પણ જોડાયેલી છે.