OMG / ભારતનું રિયલ KGF: મળ્યો અબજો-ખરબોના સોનાનો ભંડાર, શું કોઈ મોટો નિર્ણય લેશે સરકાર?

• બિહારનાં જમુઈમાં છે સોનાની ખાણ 
• દેશનું 44 ટકા સોનુ અહી છે 
• દેશને માલામાલ બનાવવાની તૈયારીમાં સરકાર 

બિહારનાં જમુઈમાં છે સોનાની ખાણ 

સોનાની ખાણ, આ વાત સાંભળતા જ KGF ફિલ્મ જરૂર યાદ આવી જાય છે. બે ભાગમાં આવેલ આ ફિલ્મે દર્શાવ્યું છે કે ક્યા પ્રકારે રોકી ભાઈ નામના વ્યક્તિએ ખાણમાંથી સોનાની નિકાસ શરુ કરી અને એક સામ્રાજ્ય સ્થાપિત કર્યું. આ જ પ્રકારે બિહારમાં પણ એક કેજીએફ છે. હા, જ્યાં કોઈ રોકી ભાઈ નથી પણ સોનું એટલું છે કે આખું બિહાર માલામાલ થઇ જાય. દેશનું 44 ટકા સોનું અહી છે. ઘણા વર્ષોથી આ જગ્યાની ચર્ચા થતી રહે છે. હવે બિહારનાં કેજીએફથી સોનું કાઢવાની પ્રક્રિયા સરકાર દ્વારા કરવામાં આવી રહી છે. 

દેશનું 44 ટકા સોનુ અહી છે 

બિહારના જમુઈ જીલ્લામાં સોનાનાં મોટા ભંડારની ચર્ચા ગયા વર્ષે લોકસભામાં કેન્દ્રીય ખાણ મંત્રી પ્રહલાદ જોશીએ કરી હતી. ત્યારે મામલો ઝડપથી ચર્ચામાં આવ્યો હતો. હવે અહીંથી સોનુ કાઢવા માટે બિહાર સરકાર તરફથી અનુમતિ આપવાનો નિર્ણય કરવામાં આવી રહ્યો છે. શનિવારે આ બાબતની જાણકારી એક વરિષ્ઠ અધિકારીએ આપી. ભારતીય ભૂવૈજ્ઞાનિક સર્વેક્ષણ અનુસાર, જમુઈમાં 37.6 ટન ખનીજ યુક્ત અય્સ્ક સહીત લગભગ 222.88 મિલિયન ટન સોનાનો ભંડાર છે, જે દેશનાં સોનાનો 44 ટકા છે. 

બિહારનાં જમુઈ જીલ્લામાં કરમાટિયા, ઝાઝા અને સોનોમાં ભારે માત્રામાં ખનીજ હોવાના સંકેત ઘણા વર્ષોથી મળતા આવ્યા છે. આ દિશામાં રાજ્યની ખાણ અને ભૂવિજ્ઞાન વિભાગ જમુઈમાં સોનાના ભંડારની ખોજ માટે જીએસઆઈ અને રાષ્ટ્રીય ખનીજ વિકાસ નિગમ સહીત અન્વેશણમાં લાગેલ એજન્સીઓ સાથે ખોજ ચર્ચા કરી રહ્યું છે. જણાવી દઈએ કે ગામના લોકો જણાવે છે કે આજથી લગભગ 15-16 વર્ષ પહેલા કોલકાતાથી પણ ટીમ આવી હતી, જેણે કરમટિયામાં સોનુ હોવાની વાત કરી હતી. ત્યાર બાદ ઘણી તપાસ ટીમો પહોંચી અને આના પર મોહર લાગી ગઈ કે વાસ્તવમાં જમુઈ જીલ્લામાં સોનાનો મોટો સ્ત્રોત છે. 

5થી 10 ફૂટ ખોદકામ પર મળ્યું સોનુ
ગ્રામજનો જણાવે છે કે વર્ષ 1982માં જમુઈનાં બેચિરાગી ગામની ઉજ્જડ જમીનમાં સોનુ મળવાના સમાચારે ઇન્ટરનેશનલ સ્તર પર હેડલાઈન બનાવી હતી. કહેવામાં આવે છે કે પાંચથી દસ ફૂટનાં ખોદકામ પર લોકોને સ્વર્ણ કણ મળવા લાગ્યા હતા. જ્યારે આ સમાચાર વહીવટી વિભાગ સુધી પહોંચ્યા ત્યારે ઉતાવળમાં કરમટિયાને પ્રતિબંધિત વિસ્તાર જાહેર કરવામાં આવ્યો હતો. 1982-1986 સુધી, જમીન નિષ્ણાતોની સૂચનાથી કરમટિયામાં ખોદકામનું કામ યુદ્ધના ધોરણે ચાલ્યું હતું, પરંતુ અચાનક કામ બંધ થઈ ગયું હતું.

પ્રહલાદ જોશી અનુસાર, 
બિહારમાં 222.885 મિલિયન ટન સોનુ છે, જે દેશનાં કુલ સોનાનાં ભંડારનાં 44 ટકા છે. 
નેશનલ મિનરલ ઇન્વેન્ટરી અનુસાર, દેશમાં 1.4.2015ને પ્રાથમિક સ્વર્ણ અયસ્કનાં કુલ સંસાધન 654.74 ટન સ્વર્ણ ધાતુ સાથે 501.83 મિલિયન ટન હોવાનું અનુમાન છે. 
આમાંથી બિહાર 222.885 મિલિયન ટન સાથે સંપન્ન છે.