બિહાર ઈન્ટરમેડિએટ પરીક્ષાનાં એક પરીક્ષાર્થી નાલંદાનાં પરીક્ષા હોલમાં પહોંચ્યો ત્યારે ખંડમાં તે એકમાત્ર પુરુષ છાત્ર હતો. છોકરીઓની વચ્ચે નર્વસ થયેલા આ છોકરાની તબિયત અચાનક લથડતાં હોસ્પિટલ ભેગો કરવો પડ્યો.
નાલંદામાં પરીક્ષાખંડમાં 500 છોકરીઓની વચ્ચે એક છોકરો
સેંકડો છોકરીઓની વચ્ચે નર્વસ થયો છોકરો
તાત્કાલિક હોસ્પિટલમાં ખસેડવું પડ્યું
1 ફેબ્રુઆરીથી બિહાર ઈન્ટરમેડિએટ પરીક્ષા શરૂ થઈ ચૂકી છે. રાજ્યભરથી પરીક્ષાને લઈને અનેક માહિતીઓ સામે આવી રહી છે ત્યારે નાલંદામાં પરીક્ષા દરમિયાન હોલમાં એક છાત્ર નર્વસ થઈને બેભાન થઈ ગયો. જેના પછી તેને સારવાર માટે બિહાર શરીફ સદર હોસ્પિટલમાં દાખલ કરવામાં આવ્યો. માહિતી અનુસાર આ નર્વસ છાત્ર બીજાં દિવસે પરીક્ષા આપવા પહોંચ્યો જ નહીં...
નર્વસ થયા બાદ બેભાન થયો
પરીક્ષાર્થી મનીષ શંકર, અલ્લામા ઈકબાલ કોલેજમાં ભણે છે. ત્યાંથી જ તેણે પરીક્ષા માટે ફોર્મ ભર્યું હતું. તેનું સેન્ટર બિહારશરીફનાં બ્રિલિયન્ટ કોન્વેંટ સ્કૂલમાં આવ્યું પરંતુ જ્યારે છાત્ર પરીક્ષા આપવા માટે કેન્દ્રની અંદર પહોંચ્યો તો માત્ર સ્ત્રી પરીક્ષાર્થીઓ જ ત્યાં હાજર હતી. 500 છોકરીઓની વચ્ચે એક જ પુરુષ છાત્ર હોતાં તે નર્વસ થયો હતો.
500 છોકરીઓની વચ્ચે એક જ પુરુષ છાત્ર
પરીક્ષા કેન્દ્ર પર આશરે 500 છોકરીઓ હતી અને તે સૌની વચ્ચે મનીષ શંકર એકમાત્ર પુરુષ પરીક્ષાર્થી હતો. પહેલાં તો તે નર્વસ થઈ ગયો અને ત્યારબાદ પરીક્ષાખંડમાં તે બેભાન થઈ ગયો. ત્યારબાદ તેને હોસ્પિટલમાં ભરતી કરવામાં આવી હતી. મનીષ શંકરનાં પરિવારજનોનો આરોપ છે કે પરીક્ષાર્થીનું નર્વસ હોવું સ્વભાવિક છે, સેંકડોની સંખ્યામાં છોકરીઓની વચ્ચે માત્ર એક છોકરાંને કેવીરીતે સેન્ટર આપવામાં આવ્યું?
એડમિટ કાર્ડમાં થઈ હતી ભૂલ
પરીક્ષાનાં બીજાં દિવસે મનીષ પરીક્ષા આપવા માટે સેન્ટર સુધી પહોંચ્યો જ નહીં. અહીં છોકરાથી એ ભૂલ થઈ કે તેનાં એડમીટ કાર્ડ પર મેલની જગ્યાએ ફીમેલ થઈ ગયું. જેનાં કારણે તેને છોકરીઓનાં સેન્ટરમાં મોકલવામાં આવ્યું. મનીષ શંકરે પોતાની ભૂલ પર ધ્યાન ન આપ્યું કે કઈ રીતે તેના એડમીટ કાર્ડ પર મેલની જગ્યાએ ફીમેલ કઈરીતે થઈ ગયું. આ જ કારણે આ છાત્રને છોકરીઓની વચ્ચે પરીક્ષા આપવા માટે મજબૂર થવું પડ્યું અને નર્વસ હોવાથી તબિયત બગડી.