બિહાર / ખુદ પોતાની જ પાર્ટીના દિગ્ગજ નેતાને દુનિયા સામે ખુલ્લા પાડ્યા, 9 વર્ષમાં 58 પ્લોટ ખરીદવાનો લગાવ્યો આરોપ

• નીતિશ કુમારની પાર્ટીના દિગ્ગજ નેતા પર કાર્યવાહી
• ખુદ JDU નેતાઓએ જ ભાંડો ફોડ્યો
• 9 વર્ષમાં 58 પ્લોટ ખરીદવાનો ગંભીર આરોપ

બિહારના મુખ્યમંત્રી નીતિશ કુમાર અને જનતા દળના રાષ્ટ્રીય અધ્યક્ષ અને કેન્દ્રીય મંત્રી રહી ચુકેલા આરસીપી સિંહની વચ્ચે તકરાર કોઈનાથી છૂપાયેલી નથી. આ તમામની વચ્ચે આરસીપી સિંહ વિરુદ્ધ કાર્યવાહીને લઈને ફરીથી એક વાર માહોલ ગરમાઈ ગયો છે. આરસીપી સિંહ પર કાર્યવાહીના આધારે તેમની સંપત્તિ બનાવી છે. RCP સિંગ પર 9 વર્ષમાં 58 પ્લોટ ખરીદવાનો ગંભીર આરોપ લગાવ્યો છે. આ આરોપ ખુદ JDU નેતાઓેએ લગાવ્યો છે અને પ્રદેશ અધ્યક્ષે નોટિસ જાહેર કરી આરસીપી સિંહને આ અનિયમિતતા પર જવાબ આપવા કહ્યું છે . 

આપને જણાવી દઈએ કે, સંપત્તિનું વિવરણ જેડીયૂના જ નેતાઓએ એકઠા કર્યા હતા. રિપોર્ટ અનુસાર મોટા ભાગની જમીનો આરસીપી સિંહની પત્ની ગિરજા સિંહ અને બંને દિકરીઓ લિપિ સિંહ, લતા સિંહના નામ પર છે. આરોપ છે કે, આરસીપી સિંહે 2016માં પોતાની ચૂંટણી એફિડેવિટમાં આ સંપત્તિઓનો ઉલ્લેખ કર્યો નથી.

ભ્રષ્ટાચાર વિરુદ્ધ ઝીરો ટોલરેંસની નીતિ

જેડીયૂ નેતાઓના રિપોર્ટ અનુસાર આરસીપી સિંહ અને તેમના ઘરવાળાઓ 2013થી અત્યાર સુધીમાં નાલંદામાં અસ્થાવા અને ઈસ્લામપુર બ્લોકમાં લગભગ 40 વીધા જમીન ખરીદી છે. આ રિપોર્ટમાં અન્ય કેટલાય જિલ્લામાં પણ સંપત્તિ હોવાનો આરોપ લગાવ્યો છે. 

જેડીયુ નેતા તરફથી આ કાર્યવાહીમાં ભ્રષ્ટાચાર વિરુદ્ધ સીએમ નીતિશ કુમારની ઝીરો ટોલરેન્સની નીતિ માનવામા આવી રહ્યું છે. એક રિપોર્ટમાં જણાવ્યા અનુસાર, માનવામાં આવે છે કે, પોતાની જ પાર્ટીના રાષ્ટ્રીય અધ્યક્ષ રહી ચુકેલા કોઈ નેતા વિરુદ્ધ તપાસ કરીને તેમની સામે સવાલ જવાબ કરનારી દેશની કદાચ પ્રથમ પાર્ટી છે.