ડુંગળીની કિંમત 100 રૂપિયા કિલો પહોંચતા પટનામાં એક અનોખી ઘટના બની હતી. બિહારની રાજધાનીમાં 35 રૂપિયા પ્રતિ કિલો ડુંગળીનું વેચાણ કરવામાં આવતા ખરીદી કરવા માટે મોટી સંખ્યામાં લોકો ઉમટી પડ્યા હતા.
35 રૂપિયામાં મળી રહી છે એક કિલો ડુંગળી
પટનામાં બિસ્કોમાન અને નાફેડ દ્વારા શરૂ કરાયા કાઉન્ટર
મોબાઇલ નંબર પર કૂપન મોકલાવી એક વ્યક્તિ મળે છે માત્ર 2 કિલો ડુંગળી
નોંધનીય છે કે, લોકો પાસે મોબાઇલ નંબર લેવામાં આવ્યા હતા. ત્યારબાદ એક કૂપન એક વ્યક્તિ બીજું કૂપન લઇ શકે નહી. પટનામાં બિસ્કોમાન (બિહાર સ્ટેટ કોપરેટિવ માર્કેટિંગ યુનિયન લીમિટેડ)એ નાફેડના સહયોહથી લોકોને સસ્તામાં ડુંગળીની વ્યવસ્થા કરવામાં આવી.
મોબાઇલ નંબર પર કૂપન આપી વેચાવામાં આવી રહી છે
બિસ્કોમાન અધ્યક્ષના જણાવ્યા મુજબ રાજસ્થાનથી ડુંગળી મંગાવવામાં આવી હતી. જેની કિંમત 60 રૂપિયા પ્રતિકિલો પડી હતી જો કે, તે 35 રૂપિયાના પ્રતિકિલોના ભાવથી વેચવામાં આવી હતી.
શું ડુંગળીને આધાર સાથે લિંક કરવામાં આવશે ?
કેટલાક લોકોએ આ પગલાના વખાણ કર્યા હતા. તો કેટલાક લોકો ભલે મજાક કરી રહ્યા હોય પરંતુ સવાલ એ ઉભો થાય છે કે, શું ડુંગળીને આધાર સાથે લિંક કરવામાં આવશે ? નોંધનીય છે કે, બિસ્કોમોન અને નાફેડ દ્વારા પટનામાં સસ્તા દરમાં ડુંગળી વહેંચવા માટે 35 કાઉન્ટર બનાવવામાં આવ્યા છે. હાલ પટનાના ખુદરા બજારમાં ડુંગળીની કિંમત 70-80 રૂપિયા પ્રતિકિલો પહોંચી ગયું છે.