32 વર્ષની ઉંમરમાં કોઇ યુવતીના જો લગ્ન ન થાય તો સમાજમાં રહેતા ઘણા લોકો વાતો કરવા લાગે છે. પરંતુ તેઓ એ નથી જાણતા હોતા કે કેટલીક યુવતીઓનો હેતુ માત્ર લગ્ન કરવાનો અને બાળકો પેદા કરવાનો નથી હોતો. આ તમામ પહેલા તે પોતાનું કરિયર બનાવવા માંગતી હોય છે.
આજે હું આપને બતાવવા જઇ રહ્યો છું કે બિહારની શ્વેતા શારદા વિશે જેણે 30મી બિહાર જ્યુડિશીયલ સર્વિસ એક્ઝામમાં 33મી રેન્ક હાંસલકરી છે. અહીં જાણો તેના સંઘર્ષ વિશે.
બિહારના નાના ગામથી આવતી શ્વેતા શારદાએ 7 વર્ષની કઠોર મહેનત બાદ અંતે 30મી બિહાર જ્યુડિશીયલ સર્વિસ એક્ઝામમાં પાસ કરી લીધી. તેમના માટે આ પરીક્ષા પાસ કરવી સરળ નહોતી. શ્વેતાએ કહ્યું કે, મારા માટે આ સફળતા સરળ નહોતી. જેમ જેમ મારી ઉંમર વધી રહી હતી, પરિવાર લગ્ન કરવા માટે પ્રેશર કરી રહ્યા હતા. પરંતુ મેં નક્કી કરી લીધુ હતું કે લગ્ન જજ બન્યા બાદ જ કરીશ.
ક્યારે જોયુ સપનુ
જ્યારે શ્વેતાને પૂછવામાં આવ્યું કે તમે ક્યારે જજ બનવાનું સપનુ જોયુ હતું, તો જવાબમાં શ્વેતાએ કહ્યું કે, જ્યારે તે 12મા ધોરણમાં અભ્યાસ કરી રહી હતીસ, ત્યારે જ તેને નક્કી કરી લીધુ હતું. જોકે, હું ત્યારે નહોતી જાણતી કે આ કેવી રીતે થશે. પરંતુ ધીરે-ધીરે બધુ સમજાવા લાગ્યું.
નોંધનીય છે કે, શ્વેતા શારદાનો બિહાર જ્યુડિશીયલ સર્વિસ એક્ઝામમાં આ બીજો પ્રયાસ હતો. આ પહેલા તેણે આ પરીક્ષા 2017માં આપી. જેમા તે ઇન્ટરવ્યૂમાં 2 નંબરથી રહી ગઇ હતી. શ્વેતાએ જણાવ્યું કે મેં જ્યૂડિશીયલ પરીક્ષા આપવાની શરૂઆત વર્ષ 2013માં હરિયાણા જ્યૂડિશીયલ પરીક્ષાથી કરી હતી. જે બાદ મેં રાજસ્થાન જ્યૂડિશીયલ પરીક્ષાની મેસ આપી હતી. એ વર્ષ 2017 મારા જીવનનું સૌથી મુશ્કેલ સમય હતો. આ વર્ષ બિહાર જ્યુડિશીયલ સર્વિસ એક્ઝામના ઇન્ટરવ્યૂમાં 2 નંબરથી રહી ગઇ. જે બાદ મને ઘણુ દુ:ખ થયું. મારા પરિવારે મને ઘરે પાછા આવવા બોલાવી. મને એવુ લાગતું હતું કે હવે બધુ જ ખતમ થઇ ગયું છે.
શ્વેતાએ આગળ કહ્યુ કે, તે 6 મહીના માટે ડિપ્રેશનમાં ચાલી ગઇ હતી. પરંતુ મારા મિત્રોએ મને પ્રોત્સાહિત કરી, અને કહ્યું કે હું તે કરી શકું છું. મેં ફરી 2018માં પરીક્ષાનું ફોર્મ ભર્યું અને તૈયારી શરૂ કરી દીધી.
બિહારના કરજાઇન બજાર સુપોલ ખાતે રહેતી શ્વેતા ભલે નાના ગામથી આવતી હોય પરંતુ, તેના સપના મોટા છે. શ્વેતાએ જણાવ્યું કે, તે દિવસમાં 15 કલાક અભ્યાસ કરતી હતી. તેણે જણાવ્યું કે, તે પુસ્તકો સાથે ઉઠતી અને પુસ્તકો સાથે સુઇ જતી હતી.
પરિવાર તરફથી લગ્નનું પ્રેશર
શ્વેતાએ કુરુક્ષેત્ર યુનિવર્સિટીથી LLMની ડિગ્રી લીધી છે અને વર્ષ 2018માં તેણે UGC નેટની પરીક્ષા પાસ કરી છે. હાલ એક યુનિવર્સિટીમાં તે આસિસ્ટન્ટ પ્રોફેસર તરીકે કાર્ય કરે છે. શ્વેતાએ કહ્યું કે પરીક્ષા દરમિયાન તે જાણે પરિવારથી અલગ થઇ ગઇ હતી. શ્વેતાએ કહ્યું કે પરિણામ આવ્યા બાદ પરિવાર ખુશ છે. મેં જ્યારે ફોન પર વાત કરી, તે ખુશીથી ભાવુક હતા. પંરતુ એક સમય એવો પણ હતો કે જ્યારે પરિવારે મને કહ્યું હતું કે પાછી ઘરે આવી જાઓ, તારાથી નહીં થાય.
શ્વેતાને જ્યારે પૂછવામાં આવ્યું કે જે યુવતીઓ સપના જુએ છે. પરંતુ 25-26 વર્ષની ઉંમરે તેમના પર લગ્ન કરવાનું દબાણ બનાવવામાં આવે છે. એવી યુવતીઓ અને તેમના માતપિતાને આપ શું કહેવા માંગશો, ત્યારે જવાબ આપતા કહ્યું કે, લગ્ન કરી લો, ટાઇમથી બાળકો પેદા કરી લો જેવી વાત કહીને યુવતીઓને હેરાન ન કરશો. કેમકે લગ્ન તો એક દિવસ થવાના જ છે. તમે યુવતીઓને સપોર્ટ કરો. જ્યારે માતા પિતા એવું પગલુ ન ઉઠાવે કે ઉતાવળમાં યુવતીના લગ્ન કરી નાંખે અને તેનું કરિયર ખતમ થઇ જાય.