દુનિયામાં એવા કેટલાય લોકો હશે, જેમના નામ વિચિત્ર હોય છે. બોલવામાં પણ ઘણી વાર શરમ આવે તેવા પણ નામો હોય છે. જો કે, દેશોના નામ પરથી માણસના નામ જરાં વિચિત્ર તો લાગે, પણ આ હકીકત છે.
આ ગામમાં પાંચ સગા ભાઈના નામ દેશો પર પાડ્યા
વિચિત્ર નામો ધરાવે છે આ પાંચ ભાઈ
ક્યારેય થયા નથી ડખ્ખા
માર્વલ સુપરહીરો થોરનું પાત્ર નિભાવતા ક્રિસ હેમ્સવર્થની દિકરીનું નામ ઈંડિયા છે. દક્ષિણ આફ્રિકી ક્રિકેટ જોન્ટી રોડ્સની દિકરીનું નામ પણ ઈંડિયા છે. એટલુ નહીં, 2014માં યુપીથી રામપુરના સાંસદ રહેલા ભાજપ નેતાનું નામ નેપાલ સિંહ છે. લોકો દેશ અથવા અન્ય જગ્યાના નામ પર પોતાનું નામ અથવા પોતાના સંતાનોનું નામ રાખી દેતા હોય છે. પણ બિહારમાં એક પરિવારે તો હદ કરી નાખી છે. અહીં પાંચ ભાઈઓના નામ પાંચ દેશોના નામ પર રાખવામાં આવ્યા છે. આ દેશોએ ને ભલે એકબીજા સાથે બનતું ન હોય, પણ આ પાંચ ભાઈઓ વચ્ચે ક્યારેય ઝઘડો થયો નથી.
હકીકતમાં જોઈએ તો, બિહારના પશ્ચિમ ચંપારણ જિલ્લામાં એક વિસ્તાર છે બગહા. અહીંના સિસવા બસંતપુરા પંચાયતનું જમાદાર ટોલા કરીને એક ગામ છે. અહીં એક પરિવારમાં પાંચ ભાઈઓ રહે છે. જેમના નામ છે અમેરિકા શર્મા, આફ્રિકા શર્મા, જર્મની શર્મા, રશિયા શર્મા અને જાપાન શર્મા. મજાકની વાત નથી આ. આ તેમના અસલી નામ છે. જો કે, દુ:ખની વાત એ છે કે, બે ભાઈ રશિયા અને જર્મનીના બહુ પહેલા મોત થઈ ચુક્યા છે.
કાકાએ કર્યું હતું નામકરણ
આ પાંચ ભાઈઓના નામકરણ પાછળ પણ એક રસપ્રદ કહાની છે. જેને લોક આજે પણ ખૂબ જ ધ્યાનથી સાંભળે છે. કહાની અનુસાર તેમના પરિવારમાં તેમના પિતરાઈ ભાઈ હતા. જેનું નામ અકલૂ શર્મા હતું. આઝાદી બાદ અકલૂ 1950માં ભારતીય સેનામાં ભરતી થઈ ગયા. થોડા વર્ષ બાદ બીજૂ વિશ્વ યુદ્ધ ખતમ થયું. આ કારણે તે સમયે ફૌઝમાં મોટા દેશની ભારત સાથે દોસ્તીની ચર્ચા થતી રહેતી. અકલૂ આ દેશોના નામથી ખૂબ પ્રભાવિત થયા. બાદમાં જ્યારે રજા પર ઘરે આવ્યા, તો પહેલા ભત્રીજાનો જન્મ થઈ ચુક્યો હતો. અકલૂએ તેમનું નામ અમેરિકા રાખ્યું.
ત્યાર બાદ જેમ જેમ ભત્રીજાના જન્મ થતાં ગયા, અકલૂએ તેમના નામ દેશોના નામ પર રાખવા લાગ્યા. પરિવારમાં પાંચ ભાી જન્મ્યા અને તમામના નામ અમેરિકા, જાપાન, રશિયા, જર્મની અને આફ્રિકા રાખી દીધું. સ્વાભાવિક છે કે, નામનોના કારણે ભાઈઓને ભારે મુશ્કેલીઓ પણ આવી હશે. શાળામાં પણ બાળકો તેમની મજાક ઉડાવતા હતા. પણ ઘરવાળાએ આ તમામના નામો બદલ્યા નહીં.
જ્યારે તેમની ફરિયાદ ન લેવામા આવી
આ ભાઈઓ સાથે જોડાયેલ એક રસપ્રદ કિસ્સો છે. સ્થાનિક લોકોએ જણાવ્યું હતું કે, લગભગ 35 વર્ષ પહેલા ગામમાં ધુરન મિસ્ત્રી નામનો એક વ્યક્તિ રહેતો હતો. તેમનો આ ભાઈઓ સાથે ઝઘડો થઈ ગયો. ધુરન ગુસ્સામાં આવીને પોલીસમાં ફરિયાદ કરવા ગયો. તે નામ સાથે ફરિયાદ લખાવા માગતો હતો. પોતાની ફરિયાદમાં તેણે પાંચેય ભાઈઓના નામ લખાવ્યા. પણ અરજીમાં અમેરિકા અને રશિયાનું નામ જોઈને પોલીસે ફરિયાદકર્તાને ત્યાંથી ભગાડી મુક્યો. તેણે સમજ્યું કે, આ માણસ પાગલ થઈ ગયો છે અને તે આ દેશોની વિરુદ્ધ ફરિયાદ કરવા માગે છે.
રશિયા અને જર્મનીનું થયું ગયું છે મોત
પાંચ દેશોના નામથી ઓળખાતા આ ભાઈઓમાં રશિયા અને જર્મનીનું ઘણા સમય પહેલા મોત થઈ ચુક્યું છે. જો કે, ગામાં હાલમાં પણ તેમની ચર્ચા થાય છે. રશિયાનું મોત 10 વર્ષ પહેલા, તો જર્મનીનું મોત 5 વર્ષ પહેલા થઈ ગયું છે. ગામના લોકોનું કહેવુ છે કે, આજ સુધીમાં આ પાંચેય ભાઈઓમાં ક્યારેય લડાઈ કે ઝઘડો થયો નથી. ભલે આજે વિશ્વ પટલ પર અમેરિકા અને રશિયા દુશ્મન હોય, પણ આ ભાઈઓ વચ્ચે ક્યારેય દુશ્મની થઈ નથી.