બિહાર / 'હું મોદીજીનો હનુમાન છું' કહેનાર નેતાનો PMએ ભ્રમ તોડ્યો, ભાષણમાં આપ્યા આ સંકેત

• બિહાર વિધાનસભા ચૂંટણીની જંગમાં ભાજપના સૌથી મોટા મહારથી મેદાનમાં 
• સાસારામમાં પીએમ મોદીએ જનસભા સંબોધી 
• પીએમ મોદીએ ઈશારા ઈશારામાં લોજપાનાં ચિરાગ પાસવાનને આપી દીધો સંકેત 

બિહારમાં ચૂંટણી પ્રચારમાં પીએમ મોદીની રેલી 

સાસારામમાં ભાજપે પોતાના સૌથી મોટા મહારથી વડાપ્રધાન મોદીને મેદાનમાં ઉતાર્યા છે ત્યારે આ સભા પર સૌ કોઈનું ધ્યાન હતું. થોડા દિવસ પહેલા જ NDAમાંથી છૂટી પડેલી લોક જનશક્તિ પાર્ટી પર વડાપ્રધાન  મોદી શું બોલે છે તેના પર બધાની નજર હતી ત્યારે પીએમ મોદીએ આ રેલીમાં સીધેસીધું કંઈ ન કહ્યું પણ ઈશારામાં એમ કહી દીધું કે બિહારમાં કોઈ કન્ફયુઝનમાં રહેવાની જરૂર નથી. પીએમ મોદીએ આપેલા સંકેતથી સાફ થઇ ગયું છે કે તે લોજપા અને ચિરાગ પાસવાનને સંદેશ આપી રહ્યા હાતા.  

પીએમ મોદીએ નામ ન લીધું પણ આપ્યો સંકેત 

પીએમ મોદીએ કહ્યું કે બિહારનાં લોકૉ ક્યારેય ભ્રમમાં રહેતા નથી, ચૂંટણી પહેલા જ લોકોએ સ્પષ્ટ સંદેશ આપી દીધો છે, જેટલા પણ સર્વે અને રિપોર્ટ આવી રહ્યા છે તેનાથી સાફ છે કે બિહારમાં ફરીથી NDAની સરકાર બનવા જઈ રહી છે.  

NDAની સરકારનો કર્યો દાવો 

પીએમ મોદીએ વધુમાં કહ્યું કે આત્મનિર્ભરતાના સંકલ્પને મજબૂત કરવા માટે બિહારમાં ફરીથી નીતીશજીની આગેવાની હેઠળ સરકાર બનાવવી જરૂરી છે. 
પીએમ મોદીએ કહ્યું કે મને આનંદ છે કે બૂથ લેવલ પર પણ NDAનાં બધા જ કાર્યકર્તા અને બધા જ દળો એક થઈને પૂરી તાકાતથી લાગેલા છે અને એકબીજાનાં સાથી બની ગયા છે.  

બિહારની ચૂંટણીમાં આ વખતે કાંટાની ટક્કર જોવા મળી રહી છે ત્યારે આ જનસભામાં પીએમ મોદીએ મહિલાઓ પર ધ્યાન કેન્દ્રિત કરતા કહ્યું કે હું જોઈ રહ્યો છું કે બિહારની મહિલાઓ, બહેનો અને દીકરીઓ NDAને જીતાડવા માટે પૂરી તાકાત લગાવી રહી છે. જે પણ NDAનાં છે તેમની જીત માટે આ ખૂબ મોટી તાકાત છે.