પ્રધાનમંત્રી નરેન્દ્ર મોદીએ બિહાર વિધાનસભાની ચૂંટણીમાં પોતાના પ્રચારની શરૂઆત કરી દીધી છે. શુક્રવારે પીએમ મોદીએ સાસારામમાં તેમની પ્રથમ સભાને સંબોધન કર્યું હતું, આ દરમિયાન તેઓ મુખ્યમંત્રી નીતીશ કુમાર સાથે સ્ટેજ પર હતા. આ દરમ્યાન સોશ્યલ ડિસ્ટન્સના નિયમોનો ભંગ થતા જોવા મળ્યો હતો.
પીએમ મોદીની રેલીમાં જ નિયમોના ધજાગરા
પીએમ મોદીના ભાષણની શરૂઆત થતાં જ સમર્થકૉ થયા ઉત્સાહિત
સોશ્યલ ડિસ્ટન્સિંગના નિયમોના ધજાગરા ઉડ્યાં
બિહાર ચૂંટણીના પગલે આજે સાસારામમાં કોરોના વાયરસ સંકટ દરમિયાન પ્રધાનમંત્રીની આ પહેલી ચૂંટણી સભા હતી. રેલી માટે ઘણી તૈયારીઓ કરવામાં આવી હતી, જેમાં વિવિધ વિધાનસભા બેઠકોથી લોકોને ડિજિટલ રીતે જોડવાની વાત કરવામાં આવી હતી. જેથી સામાજિક અંતરનું પાલન કરી શકાય, પરંતુ જ્યારે પ્રધાનમંત્રી મંચ પર હતા ત્યારે સમર્થકો એટલા ઉત્સાહિત હતા કે તમામ નિયમો નેવે મૂકાઈ ગયા હતાં.
Sons of Bihar lost their lives in Galwan Valley for the tricolour and ensured Bharat Mata's head is held high. Jawans of Bihar were also martyred in Pulwama attack. I bow my head at their feet and pay respects: PM Modi#BiharElections2020pic.twitter.com/O7Xw2IyY78
સાસારામના મંચ પર, પીએમ મોદી પોતે માસ્ક પહેરેલા જોવા મળ્યા હતા અને જ્યારે તેમણે ભાષણ શરૂ કર્યું હતું, ત્યારે તે જ સમયે તેમણે માસ્ક કાઢ્યું હતું. તે જ સમયે, પ્રેક્ષક ગેલેરીમાં ખુરશીઓની વ્યવસ્થા કરવામાં આવી હતી જેમાં સામાજિક અંતરને ધ્યાનમાં રાખીને લોકો માટે બેઠક બનાવવામાં આવી હતી. પરંતુ પ્રધાનમંત્રીના સંબોધનની શરૂઆત થતાં જ રેલીના સ્થળે 'મોદી-મોદી' ના નારેબાજી થવા લાગી અને સમર્થકો ઉત્સાહિત થઈ ગયા.
આ સમય દરમિયાન ઘણા લોકો તેમની બેઠકો પરથી ઉભા થયા અને આગળ આવી ગયા. રેલી દરમિયાન ફરી એક વખત સોશ્યલ ડિસ્ટન્સિંગના નિયમોના ધજાગરા ઉડ્યાં. જો કે, કેટલાક લોકોએ આ દરમિયાન માસ્ક પહેર્યું હતુ, પરંતુ મોટાભાગના લોકો માસ્ક વિના દેખાયા હતા.
ઉલ્લેખનીય છે કે ભાજપ તરફથી પીએમ મોદીની રેલી માટે વિશેષ વ્યવસ્થા કરવામાં આવી હતી. આમાં માત્ર પાંચ ઉમેદવારોને સ્ટેજ પર સ્થાન આપવામાં આવ્યું હતું, અન્ય 15 ઉમેદવારોને તેમની જગ્યાએ સ્ક્રીનની પાસે બેસાડવામાં આવ્યા હતા. સામાજિક અંતરના પાલન માટે રેલીનું મુખ્ય ધ્યાન ડિજિટલ પ્લેટફોર્મ પર રખાયું હતું.
માત્ર રેલીના સ્થળે જ નહીં, પરંતુ ડિજિટલ માધ્યમ દ્વારા બિહારના જુદા જુદા સ્થળોએ ભાષણો સંભળાવવામાં આવી રહ્યું હતું ત્યાં સ્ક્રીનની સામે મોટી સંખ્યામાં લોકો બેઠા હતા, અહીં પણ ઘણા લોકો માસ્ક અને સામાજિક અંતરના નિયમોનું ઉલ્લંઘન કરતા જોવા મળ્યા હતા.
મહત્વનું છે કે કોરોના સંકટમાં પ્રથમ વખત ચૂંટણીઓ યોજાઈ રહી છે, આવી સ્થિતિમાં ચૂંટણી પંચે રાજકીય પક્ષોને નિયમોનું પાલન કરવાનું કહ્યું છે. પીએમ મોદીની રેલી પહેલા આરજેડી નેતા તેજસ્વી યાદવની રેલીઓમાં પણ ભારે ભીડ એકઠી કરી રહી છે, જ્યાં ઘણી વખત સામાજિક અંતરના નિયમોના ધજાગરા ઉડતા જોવા મળ્યા હતાં.