ચૂંટણી પરિણામ / બિહારમાં NDAની જીત માટે આ '3M' સાબિત થયા મહત્વના, જેણે પલટી નાંખી બાજી

'M' થી મોદીઃ પહેલુ ફેકટર

તમામ સર્વેમાં આ વખતે મહાગઠબંધનને સંપૂર્ણ બહુમતિ મળશે અને સરકાર બનાવશે તેવું જોવા મળ્યું હતું. નીતિશ કુમાર પ્રતિ જનતામાં આક્રોશ છે. પરંતુ જ્યારે બિહારમાં પ્રધાનમંત્રી નરેન્દ્ર મોદીએ NDA તરફથી મોરચો સંભાળ્યો તો હવાની લહેર ફરી બદલાયેલી જોવા મળી. PM મોદીએ અંદાજે એક ડઝન જેટલી સભાઓ કરી, કેટલીક રેલીઓમાં નીતીશ કુમારની સાથે જોવા મળ્યા. પીએમ મોદીએ નીતિશ કુમારની સતત પ્રશંસા કરી, લોકોને અપીલ કરી કે રાજ્યને નીતિશ કુમારની સરકારની જરૂરિયાત છે. 

'M' થી મહિલાઃ બીજુ ફેકટર

NDAની જીતનું એક બીજુ મહત્વનું ફેકટર બિહારની મહિલા મતદાતાઓ રહી. બિહારમાં મહિલા મતદારોએ નીતિશ કુમાર તરફી મતદાન કર્યું હોવાનું માનવામાં આવી રહ્યું છે. જે દરેક વખતે સાવ શાંતિથી નીતિશ કુમારના પક્ષમાં મત કરે છે. આ પરિણામ આ વખતની ચૂંટણીમાં પણ જોવા મળ્યું. આ સહિત મહિલાઓનું પ્રધાનમંત્રી નરેન્દ્ર મોદી અને તેમની યોજના પર વિશ્વાસ 2019ની લોકસભા ચૂંટણીમાં પણ જોવા મળી હતી અને હવે તેની ફરી અસર વિધાનસભા ચૂંટણીમાં જોવા મળી. 

પીએમ મોદીએ બિહાર ચૂંટણીના પરિણામ બાદ મહિલા મતદારોનો ખાસ આભાર માન્યો છે. પીએમ મોદીએ લખ્યું કે બિહારની બહેનો-દિકરીઓએ આ વખતે રેકોર્ડ સંખ્યામાં મતદાન કરી દેખાડયું કે આત્મનિર્ભર  બિહારમાં તેમની ભુમિકા કેટલી મહત્વની છે. અમને સંતોષ છે કે ગત વર્ષોમાં બિહારની માતૃશક્તિને નવો આત્મિવશ્વાસ આપવા NDAને તક મળી, આ આત્મવિશ્વાસ બિહારને આગળ વધારવામાં અમને શક્તિ આપશે.

'M' થી મુસ્લિમઃ ત્રીજુ ફેકટર

બિહારમાં મુસ્લિમ મતદાતા મુખ્યરીતે RJD ની સાથે હોય છે આ જ કારણે RJDનું M+Y સમીકરણને નિર્ણાયક માનવામાં આવે છે. રાજ્યમાં અંદાજે 17 ટકા મુસ્લિમ મતદાતા છે, જે હાર જીતનું અંતર ઉભુ કરી શકે છે. પરંતુ આ વખતે આ મતદાતાઓ અલગ-અલગ ભાગમાં વહેંચાયેલા જોવા મળ્યાં. જેનો સીધો ફાયદો NDAને થઇ ગયો. 

આ વખતે મુસ્લિમ મતદાતાઓ સામે ઘણા પ્રકારના અલગ-અલગ ઓપ્શન હતા. RJDના નેતૃત્વમાં મહાગઠબંધન ચૂંટણી લડી રહ્યું હતુ તો બિહારમાં AIMIMએ પણ મોટી જીત પ્રાપ્ત કરી. આ સાથે બસપા જેવી પાર્ટીએ પણ પોતાના ક્ષેત્રમાં મુસ્લિમ મતદાતાઓને આકર્ષી શકી. અસુદ્દીન ઓવૈસીની AIMIM આ વખતે ચૂંટણીમાં પાંચ બેઠક પર જીત પ્રાપ્ત કરી, જે RJDનું મોટુ વોટબેંક માનવામાં આવે છે. 

ઉલ્લેખનીય છે કે બિહારમાં આ વખતે NDAને 125 બેઠક મળી છે, જેમાં ભાજપના ખાતામાં 74, જેડીયુના 43, વિકાસશીલ ઇંસાન પાર્ટીના ખાતામાં 4 અને હિન્દુસ્તાન અવામ મોરચા (સેક્યુલ)ના ખાતામાં 4 બેઠક ગઇ છે. બીજી તરફ મહાગઠબંધનમાં RJDને કુલ 75, કોંગ્રેસને 19 અને લેફ્ટ પાર્ટીઓને મળીને 16 બેઠક મળી છે.