Bihar Election 2020 / બિહારમાં બીજા તબક્કાના મતદાન માટે આજે PM મોદી કરશે 4 રેલીઓ, NDA દ્વારા જોરશોરથી પ્રચાર

• પીએમ મોદી બિહારમાં આજે 4 રેલીઓ કરશે
• 3 નવેમ્બરે બિહારમાં બીજા તબક્કાનું મતદાન
• છપરા, સમસ્તીપુર, મોતિહારીમાં પીએમ મોદીની જાહેરસભા 

PM મોદી 1 નવેમ્બરે બિહારમાં 4 રેલીને સંબોધિત કરશે. પહેલા કાર્યક્રમમાં પીએમ મોદીએ 3 રેલી સંબોધિત કરવાની હતી. જેમાં છપરા, સમસ્તીપુર અને મોતિહારીનો સમાવેશ કરાયો હતો. પરંતુ હવે તેમાં એક નવી સભાને પણ જોડવામાં આવી છે. 

#BiharElections2020 Prime Minister Narendra Modi to address election rallies in Chapra, Samastipur, East Champaran and West Champaran today pic.twitter.com/AJ2M0Afnyv

— ANI (@ANI) November 1, 2020

જાણો તમામ 4 રેલીનો સમય

આ ચોથી સભા બગહામાં કરવામાં આવી શકે છે. તેને પહેલાં ચરણના મતદાન બાદના ફીડબેકના આધારે યોજવામાં આવી છે. પીએમ મોદીની પહેલી રેલી છપરામાં સવારે 10 વાગે, સમસ્તી પુરમાં 11.30 વાગે અને મોતિહારીમાં 1 વાગે યોજાશે. પીએમ મોદીની અંતિમ રેલી બગહામાં બપોરે 3 વાગે થશે.  
 
ક્યારે ક્યારે થશે PMની જનસભા

બિહાર વિધાનસભાની ચૂંટણી માટે PM મોદીએ 23 ઓક્ટોબર, 28 ઓક્ટોબર, 1 નવેમ્બર અને 3 નવમ્બરે 3 જનસભા કરવાની હતી. હવે તેમાં થોડો ફેરફારા છે. આજે PM 4 જનસભા કરશે અને 3 નવેમ્બરે તેમની 2 રેલી રહેશે. તમામ દિવસોમાં પીએમની સાથે મુખ્યમંત્રી નિતિશ કુમાર પણ મંચ પર હાજર રહેશે.
 

243 બેઠકો માટે ચાલી રહી છે ચૂંટણી

બિહારમાં 3 તબક્કામાં મતદાન થવાનું છે અને તેમાં 243 બેઠકોનો સમાવેશ કરાયો છે. 3 તબક્કામાં મતદાન બાદ 10 નવેમ્બરે મતગણતરી કરાશે.