ભાવુક / 15 વર્ષ સુધી પાર્ટીમાં રહ્યા છતાં ટિકિટ ન મળતા ધ્રુસકે ધ્રુસકે રડી પડ્યા આ નેતા, કહ્યું મારા સાથે દગો થયો...

• મીડિયા સામે ધ્રુસકે ધ્રુસકે રડ્યા નેતા 
• પાર્ટીએ ટિકિટ ન આપતા કર્યો વિદ્રોહ 
• હવે અપક્ષ ઉમેદવારી નોંધાવશે 

પાર્ટી માટે કામ કર્યું છતાં ન મળી ટિકિટ 

બિહારમાં ટિકિટ વહેંચણીમાં ઘણા નેતાઓ વિરોધના સૂર દર્શાવી રહ્યા છે. આ વખતે રક્સૌલ વિધાનસભા બેઠક આરજેડીના હાથમાંથી છટકી ગઈ છે અને કોંગ્રેસ ઉમેદવારી કરી રહી છે. એવામાં ટિકિટ ન મળવાના કારણે આરજેડીના સુરેશ યાદવએ બાંગ પોકાર્યો અને વિદ્રોહ કરી નાખ્યો. મીડિયા સાથે વાતચીતમાં તેમના આંખોમાંથી ગંગા-જમના વહેવા લાગી.  

અપક્ષ તરીકે લડશે ચૂંટણી 

આ સિવાય તેમનો અન્ય એક વીડિયો સોશ્યલ મીડિયામાં વાયરલ થઇ રહ્યો છે જેમાં માનવામાં આવી રહ્યું છે કે તે પોતાની માતા અને બહેન સાથે વાતચીત કરી રહ્યા છે. વાયરલ વીડિયો વિશે જ્યારે પૂછવામાં આવ્યું ત્યારે સુરેશ યાદવે કહ્યું એક ટિકિટ કપાઈ જવાના કારણે પરિવારથી લઈને સમાજમાં પણ મહાગઠબંધન સામે જોરદાર ગુસ્સો છે. સુરેશ યાદવે દાવો કર્યો કે તે રક્સૌલ સીટ પરથી જ અપક્ષ ઉમેદવારી નોંધાવશે.  

નોંધનીય છે કે આ સીટ પરથી મહાગઠબંધન દ્વારા રામબાબૂ યાદવને ટિકિટ આપવામાં આવી છે. સુરેશ યાદવે કહ્યું કે મારી મોટી બહેન રીતા દેવી કેન્સર પીડિત છે અને દસ વર્ષથી સારવાર ચાલી રહી છે. બહેન પણ પોતાનું દર્દ ભુલાવીને સહયોગ કરવા તૈયાર છે. 

તેમણે જણાયું કે તે 2005થી જ આરજેડીનો ઝંડો ઉઠાવીને લોકોની વચ્ચે રહ્યો અને પાર્ટીએ મારા સાથે વિશ્વાસઘાત કર્યો છે. મારા સાથે દગો કર્યો છે.  હવે હું જનતાની અદાલતમાં છું અન જનતા તેનો નિર્ણય કરશે.  

નોંધનીય છે કે પાર્ટીમાં બગાવત કરનાર સુરેશ યાદવની હાલત રડી રડીને ખરાબ થઈ ગઈ હતી એવામાં આ વિદ્રોહથી મહાગઠબંધનને નુકસાન થઇ શકે છે.