કોરોના વાયરસ / આ રાજ્યમાં પ્રાઇવેટ હોસ્પિટલમાં પણ મફતમાં મળશે કોરોનાની વેક્સિન, CMએ જન્મદિવસે લીધો નિર્ણય

• રસીનો સંપૂર્ણ ખર્ચ  રાજ્ય સરકાર ઉઠાવશે
•  રસી મફત આપવાનો વાયદો કર્યો હતો
• પીએમ મોદીએ નીતિશ કુમારને આપી જન્મદિનની શુભેચ્છા

રસીનો સંપૂર્ણ ખર્ચ  રાજ્ય સરકાર ઉઠાવશે

બિહાર સરકારે નિર્ણય કર્યો છે કે 1 માર્ચ એટલે કે આજથી ખાનગી હોસ્પિટલોમાં લગાવવામાં આવી રહેલી કોરોનાની રસીનો સંપૂર્ણ ખર્ચ  રાજ્ય સરકાર ઉઠાવશે. નીતિશ કુમારની અધ્યક્ષતામાં રવિવારે થયેલી એક મહત્વપૂર્ણ બેઠકમાં આ નિર્ણય લેવામાં આવ્યો છે. 

રસી મફત આપવાનો વાયદો કર્યો હતો

આજથી દેશના ખાનગી હોસ્પિટલોમાં 60 વર્ષથી વધારે ઉંમરના અને 45 વર્ષથી વધારે ઉંમરના બિમારીગ્રસ્ત લોકોને કોવિડ 19ની રસી આપવામાં આવશે. કેન્દ્ર સરકારે રસીની મહત્તમ કિંમત 250 રાખી છે. જો કે બિહારના લોકોને આ મફતમાં મળશે. નીતિશ સરકારે વિધાનસભા ચૂંટણી પ્રચારમાં તેમના સત્તા પર આવ્યા બાદ રસી મફત આપવાનો વાયદો કર્યો હતો.

નીતિશ કુમારે પણ લેશે રસીનો પહેલો ડોઝ

આજથી રસીકરણના બીજા તબક્કાની શરુઆત થઈ રહી છે અને તે અંતર્ગત મુખ્યમંત્રી નીતિશ કુમાર પર પણ આજે કોવિડની રસીનો પહેલો ડોઝ લેશે. સોમવારે 1 વાગે આઈજીઆઈએમએસ હોસ્પિટલમાં તેમને રસીનો પહેલો ડોઝ લાગશે. આજે નીતિશ કુમારનો બર્થ ડે પણ છે. તેમના 

પીએમે પણ લીધી રસી

પીએમ નરેન્દ્ર મોદીએ કોરોનાની રસીનો પહેલો ડોઝ લઈ લીધો છે. પીએમ મોદીએ સવારમાં નવી દિલ્હી સ્થિત એમ્સ પહોંચ્યા અને કોરોનાની રસીનો ડોઝ લીધો હતો. આની સાથે પીએમ મોદીએ લોકોને કોરોનાની રસી લગાવવા માટે અપીલ કરી હતી.

પીએમ મોદીએ નીતિશ કુમારને આપી જન્મદિનની શુભેચ્છા

બિહારના સીએમ નીતિન કુમારના જન્મદિન પર પીએમ નરેન્દ્ર મોદીએ અને આરજેડી નેતા તેજસ્વી યાદવે શુભેચ્છા પાઠવી. પીએમએ લખ્યું કે નીતિશ કુમારને જન્મદિનની શુભકામનાઓ. તેમના નેતૃત્વવાળી રાજગ સરકારમાં બિહારના વિકાસ માટે બિરદાવનારા પગલા ભર્યા છે. તેમના લાંબા અને સ્વાસ્થ્ય આયુની કામના કરતા હુ. ત્યારે તેજસ્વીએ લખ્યું છે બિહારના માનનીય મુખ્યમંત્રી નીતિશ કુમાર જીને તેમના 70માં જન્મદિનની હાર્દિક શુભકામનાઓ. તમારા સ્વસ્થ, સુખી અને દીર્ધાયુ જીવનની કામના કરુ છુ.