દિલ્હી ચૂંટણી / નીતિશ કુમારે અરવિંદ કેજરીવાલની માંગને આપ્યું સમર્થન, દિલ્હીને મળે પૂર્ણ રાજ્યનો દરજ્જો

• નીતિશ કુમારે દિલ્હીને પૂર્ણ રાજ્યનો દરજ્જો આપવાની વકાલત કરી
• પાર્ટીની એક રેલી દરમિયાન નીતિશ કુમારે દિલ્હીને પૂર્ણ રાજ્ય જાહેર કરવાની માંગ કરી
• જેડીયૂ દિલ્હી ચૂંટણીમાં પોતાના ઉમેદવાર ઉતારી શકે છે

મુખ્યમંત્રી નીતિશ કુમારે બિહારની જેમ દિલ્હીમાં દારુબંધીની પણ વકાલત કરી છે. નીતિશ કુમારે કહ્યું કે આપણે કામ વધારે કરીએ છીએ અને પ્રચાર ઓછો કરીએ છીએ. એમણે કહ્યું, આખા રાજ્યમાં બિહાર જ એવું રાજ્ય છે, જે પ્રચાર પર સૌથી ઓછો ખર્ચ કરી રહ્યું છે.

નોંધનીય છે કે, જેડીયૂ દિલ્હી ચૂંટણીમાં પોતાના ઉમેદવાર ઉતારી શકે છે. જો આમ બને છે તો તેની સહયોગી પાર્ટી બીજેપી માટે આ મોટી ચિંતાનું કારણ બની શકે છે. જોકે, હજુ સુધી આ અંગે કોઇ સત્તાવાર જાણકારી મળી નથી. 

જેડીયૂ દિલ્હીમાં ચૂંટણી લડવા જઇ રહી છે, પાર્ટીની નજર દિલ્હીમાં પૂર્વાચલ અને બિહારના લોકોના વોટો પર છે, જેથી અહીં પોતાની દાવેદારી મજબૂત કરી શકે. દિલ્હીમાં આવતા વર્ષેની શરૂઆતમાં વિધાનસભા ચૂંટણી યોજાવાની છે.