રાજકીય સંકટ / નીતિશ કુમારનું બિહારના મુખ્યમંત્રી પદેથી રાજીનામું, રાજ્યમાં હવે મહાગઠબંધનની સરકાર

• નીતિશ કુમારે બિહારના મુખ્યમંત્રી પદેથી આપ્યું રાજીનામું 
• રાજ્યપાલ ફાગુ ચોહાણને મળીને સોંપ્યું રાજીનામું 
• RJD અને કોંગ્રેસ સાથે મળીને સરકાર બનાવશે 
• આરજેડીના તેજસ્વી યાદવ બનશે ડેપ્યુટી સીએમ 

રાજ્યપાલ ફાગુ ચોહાણને મળીને તેમનું રાજીનામું સુપ્રત કરી દીધું હતું. નીતિશ કુમાર રાજભવન જઈને રાજ્યપાલને મળ્યાં હતા અને રાજીનામું સોંપ્યું હતું. 

Nitish Kumar resigns as Chief Minister of Bihar, breaks alliance with BJP#BiharPoliticalCrisis pic.twitter.com/GwtSlL2KG8

— ANI (@ANI) August 9, 2022

60 ધારાસભ્યોના સમર્થન સાથે સરકાર રચવાનો કર્યો દાવો
રાજ્યપાલ ફાગુ ચોહાણને રાજીનામું સોંપ્યા બાદ સીએેમ નીતિશ કુમારે 60 ધારાસભ્યોના સમર્થનનો દાવો કર્યો હતો. રાજ્યપાલે તેમનું રાજીનામું સ્વીકારી લીધું હતું અને તેમને સરકારની રચના કરવાનું આમંત્રણ આપ્યું હતું. 

જેડીયુના તમામ સાંસદો અને ધારાસભ્યોના મનની વાત સાંભળી-નીતિશ કુમાર 
રાજ્યપાલ ફાગુ ચોહાણને રાજીનામું સોંપ્યા બાદ સીએમ નીતિશ કુમારે એવું જણાવ્યું કે જેડીયુના તમામ સાંસદો અને ધારાસભ્યોનું એવું માનવું છે કે જેડીયુએ એનડીએ ગઠબંધનમાંથી બહાર નીકળું જવું જોઈએ. 

#WATCH | Nitish Kumar confirms that he has resigned as Bihar CM pic.twitter.com/Av04rUXojx

— ANI (@ANI) August 9, 2022

લાલુપ્રસાદ યાદવની પાર્ટી RJD અને કોંગ્રેસ સાથે સરકાર રચશે નીતિશ કુમાર
રાજ્યપાલને રાજીનામું આપ્યાં બાદ નીતિશ કુમાર મુખ્યમંત્રી પદે ચાલુ રહેશે પરંતુ તેઓ હવે ભાજપના નહીં પરંતુ આરજેડી અને કોંગ્રેસના સમર્થનથી સરકાર ચલાવશે. 

જેડીયુ કાર્યકરોએ જિંદાબાદની નારેબાજી કરી
નીતિશ કુમાર જ્યારે પટણામાં રાજભવન પહોંચ્યાં ત્યારે તેની બહાર જેડીયુ કાર્યકરોએ જિંદાબાદની નારેબાજી કરી હતી અને તેમના નિર્ણયને વધાવ્યો હતો.