છુપરામાં એક ત્રણ વર્ષની માસુમ બાળકીને જીવતી જમીનમાં દાટી દેવામાં આવી હતી. આ સમય દરમિયાન જ્યારે અમુક મહિલાઓ ત્યાંથી પસાર થઈ તો માટી હલવા લાગી અને...
ત્રણ વર્ષની માસુમને જીવતી જમીનમાં દાટી
ખુદ માતાએ કર્યું આ કૃત્ય
જાણો શું છે સમગ્ર ઘટના
બિહારના છપરાના કોપા મરહા નદીના કબ્રસ્તાન વિસ્તારમાં અમુક મહિલાઓ ત્યાંથી પસાર થઈ રહી હતી. તે સમયે જ્યારે તે તાજી ખોદાયેલી માટીની પાસેથી પસાર થઈ તો તેમને માટી હલતી જોવા મળી. તેને જોઈને મહિલાઓ ડરી ગઈ. તેમ છતાં અમુક મહિલાઓએ હિમ્મત કરીને જમીન ખોદી તો અંદરથી એક ત્રણ વર્ષની માસુન બાળકી નીકળી.
જેવી મહિલાઓએ માસુમને માટીમાંથી બહાર કાઢી તો તે લાંબા લાંબા શ્વાસ લઈ રહી હતી. બાળકીના મોઢામાં માટી ભરેલી હતી. તે જોર જોરથી શ્વાસ લઈ રહી હતી અને તે ચીસો પાડી પાડીને રડી રહી હતી. ત્યારે મહિલાઓએ તેને ચુપ કરાવી અને પાણી પીવડાવ્યું. જ્યાર બાદ લાલીનો શ્વાસ થોડો સામાન્ય થયો. જ્યાર બાદ મહિલાઓએ ત્રણ વર્ષની માસુમ બાળકીને તેનું નામ પુછ્યું તો તેણે પોતાનું નામ લાલી જણાવ્યું. સાથે જ લાલીએ પોતાની તોતડી ભાષામાં જણાવ્યું તેને સાંભળીને મહિલાઓ ચોંકી ઉઢી હતી.
માતા અને નાનીએ દિકરીને દફનાવી
હકીકતે લાલીએ જે મહિલાઓને જણાવ્યું તેના અનુસાર તેની માતા અને નાનીએ પહેલા તેનુ ગળુ દબાવ્યું પછી તેનું મોઢા પર માટી ઠૂસીને તેને જમીનમાં દાટી દીધી હતી.
પછી માટીને હલતી જોઈને મહિલાઓએ તેને બહાર કાઠી. ત્રણ વર્ષની માસુમની સાથે જે થયુ તે તો તેણે જણાવ્યું પરંતુ તે તેના ગામનું નામ ન જણાવી શકી. માટીની નીચે દબાવેલી બાળકી સંપૂર્ણ રીતે ઈજાગ્રસ્ત હતી. ત્યાર બાદ ઘટના સ્થળ પર પહોંચેલી બાળકીને સદર હોસ્પિટલ પહોંચાવવામાં આવી છે.
બાળકી બુમો પાડી રહી હતી તો માઢીમાં માટી ભરી દીધી
પોલીસે જ્યારે બાળકી સાથે વાત કરી તો બાળકીએ પોતાનું નામ લાલી જણાવ્યું. લાલીએ પોતાના પિતાનું નામ રાજુ શર્મા અને માતાનું નામ રેખા દેવી જણાવ્યું. લાલીનું કહેવું છે કે માતા અને નાનીનું કહેવું હતું કે તે તેને ફરવા લઈ જઈ રહ્યા હતા. પછી મારૂ ગળુ દબાવીને મારા મોઢામાં માટી ભરી દીધી. પોલીસે જણાવ્યું કે બાળકીના જણાવેલા નામ અનુસાર તેના માતા-પિતાની શોધ ચાલું છે.