એક ફેબ્રુઆરીએ બિહાર બોર્ડની ઈંટર પરીક્ષાની શરૂઆત થઈ છે. આ તમામની વચ્ચે મોતિહારીથી એક ચોંકાવનારો વીડિયો સામે આવ્યો છે.
બિહારમાં વિદ્યાર્થીઓની દયનિય હાલત
ચાલુ પરીક્ષાએ બત્તી થઈ ગઈ ગૂલ
પોલીસની ગાડીઓની લાઈટોથી આપવી પડી પરીક્ષા
એક ફેબ્રુઆરીએ બિહાર બોર્ડની ઈંટર પરીક્ષાની શરૂઆત થઈ છે. આ તમામની વચ્ચે મોતિહારીથી એક ચોંકાવનારો વીડિયો સામે આવ્યો છે. જિલ્લામાં ચૂસ્ત બંદોબસ્તની વચ્ચે 54 કેન્દ્રો પર પરીક્ષાની શરૂઆત થઈ, પણ મહારાજા હરેન્દ્ર કિશોર કોલેજમાં બીજી પાળી દરમિયાન હોબાળો મચી ગયો હતો. પહેલા તો સમય સમયસર વિદ્યાર્થીઓને પેપર મળ્યા નહીં, અને જ્યારે મળ્યા તો, પરીક્ષા આપતા આપતાં અંધારપટ થઈ ગયું. કોલેજમાં લાઈટ ન થવાના કારણે પોલીસની ગાડીની લાઈટ ચાલુ કરીને વિદ્યાર્થીઓ પરીક્ષા આપવા મજબૂર બન્યા હતાં.
આ નિર્ધારિત સમય બાદ મોડી પરીક્ષા શરૂ થવાના કારણે કેન્દ્ર બહાર વાલીઓ અને અંદર પરીક્ષાર્થીઓએ હોબાળો મચાવ્યો હતો. પ્રાપ્ત વિગતો અનુસાર જોઈએ તો, પરીક્ષા કેન્દ્ર પર સીટીંગ અરેંજમેંટમાં ખામી હોવાના કારણે ચાર વાગ્યા સુધી પરીક્ષાર્થીઓને પેપર આપવામાં આવ્યા નહોતા. જ્યારે બીજી પાળીનો સમય પણ શરૂ થઈ ગયો હતો.
ડીઈઓ પાસે માગ્યો રિપોર્ટ
આ મામલામાં જિલ્લા કલેકટરે કપિલ અશોકે કહ્યું કે, સીટીંગ અરેંજમેંટમાં ગરબડ થવાના કારણે દોઢ કલાક મોડાથી પરીક્ષા શરૂ થઈ હતી. મોતિહારીના ડીઈઓએ આ મામલે તપાસના આદેશ આપ્યા છે. સાથે જ સેંટર સુપ્રીટેંડેટને સસ્પેન્ડ કરવાના આદેશ પણ આપ્યા છે.