બિહારમાં એક યુનિવર્સિટીના એડમિટ કાર્ડ પર ગવર્નર ફાગૂ ચૌહાણ બાદ હવે વડાપ્રધાન નરેન્દ્ર મોદી અને ક્રિકેટર મહેન્દ્ર સિંહ ધોનીના ફોટો જોવા મળ્યાં. આ તસ્વીરો સોશિયલ મીડિયામાં શનિવાર અને રવિવારે વાયરલ થઇ.
યુનિવર્સિટીના એડમિટ કાર્ડ પર PM મોદી અને ધોનીના ફોટા જોવા મળ્યાં
તસ્વીરો સોશિયલ મીડિયામાં થઇ વાયરલ
યુનિવર્સિટીના રજીસ્ટ્રારે આપ્યાં તપાસના આદેશ
એડમિટ કાર્ડ પર પીએેમ મોદી અને ધોનીની તસ્વીરો જોવા મળી
જો કે, આ તસ્વીરોને લઇને યુનિવર્સિટીના રજીસ્ટ્રારે આશંકા દર્શાવી છે કે એડમિટ કાર્ડ પર આ તસ્વીરો જોઇને એવુ લાગે છે કે આ કોઈની મજાક છે. ખરેખર, આ યુનિવર્સિટી તરફથી પરીક્ષાર્થીઓને હાલમાં એડમિટ કાર્ડ જાહેર કરવામાં આવ્યાં હતા. પણ તેના પર પીએમ મોદી, ધોની અને ચૌહાણની તસ્વીરો જોવા મળી. પીટીઆઈના રિપોર્ટ મુજબ, આ બધા વિદ્યાર્થીઓ મધુબની, સમસ્તીપુર અને બેગુસરાય જિલ્લાના કોલેજના બીએ થર્ડ ઈયરના વિદ્યાર્થી છે અને બધા કોલેજ લલિત નારાયણ મિથિલા વિશ્વ વિદ્યાલય સાથે સંકળાયેલા છે, જેનુ મુખ્યાલય દરભંગામાં છે.
યુનિવર્સિટીના રજીસ્ટ્રાર દ્વારા તપાસના આદેશ આપવામાં આવ્યાં
આ દરમ્યાન યુનિવર્સિટીના રજીસ્ટ્રાર મુશ્તાક અહમદે જણાવ્યું, આ ગડબડોને ગંભીરતાપૂર્વક ધ્યાનમાં લેવામાં આવી છે. આ ગડબડો સોશિયલ મીડિયા દ્વારા સામે આવી છે. તપાસના આદેશ આપવામાં આવ્યા છે અને સંબંધિત વિદ્યાર્થીઓને કારણ બતાઓ નોટીસ જાહેર કરવામાં આવી છે. પ્રાથમિક ફરિયાદ પણ નોંધાવાઈ શકે છે. રજીસ્ટ્રાર મુજબ, એડમિટ કાર્ડ ઑનલાઈન જાહેર કરવામાં આવે છે. સંબંધિત વિદ્યાર્થીઓ તેને ડાઉનલોડ કરે છે અને આ બધા વિદ્યાર્થીઓને વિશિષ્ટ લૉગઈન વિવરણ આપવામાં આવે છે.
કેટલાંક વિદ્યાર્થીઓએ બેજવાબદાર મજાક કરી
રજીસ્ટ્રાર મુજબ વિદ્યાર્થીઓની તસ્વીરો અને અન્ય જાણકારીઓ અપલોડ કરવાની હોય છે, ત્યારબાદ અમે એડમિટ કાર્ડ બનાવીએ છીએ. એવુ લાગે છે કે અમુક વિદ્યાર્થીઓએ બેજવાબદાર મજાક કરી છે. તેમણે વધુમાં કહ્યું, તપાસ બાદ કડક કાર્યવાહી કરવામાં આવશે. આ પ્રકરણથી વિશ્વ વિદ્યાલયનુ નામ ખરાબ થયુ છે. વડાપ્રધાન અને રાજ્યપાલની તસ્વીરોનો દુરૂપયોગ પણ ગંભીર મામલો છે.