રાજકારણ / મોટું એલાન: નીતીશ કુમારે ભાવુક થઇને કહ્યું- 'આ મારી છેલ્લી ચૂંટણી', જાણો આ જાહેરાતનો મતલબ શું?

• બિહાર CM નીતિશ કુમારનું મહત્વનું એલાન
• આ ચૂંટણી મારી અંતિમ ચૂંટણી: નીતિશ કુમાર
• અંત ભલા,તો સબ ભલા: નીતિશ કુમાર

બિહાર વિધાનસભા ચૂંટણી 2020ના ત્રીજા અને છેલ્લા તબક્કાના મતદાન માટે ગુરૂવારે પ્રચારનો છેલ્લો દિવસ છે. ચૂંટણી પ્રચારના છેલ્લા દિવસે મુખ્યમંત્રી નીતીશ કુમારે મોટું એલાન કરી દીધું છે.પૂર્ણિયામાં નીતીશ કુમારે જનતાને આશીર્વાદ આપવાની ભાવુક અપીલ કરતા કહ્યું કે, આ ચૂંટણી મારી છેલ્લી ચૂંટણી છે, અંત ભલા તો સબ ભલા.

This is my last election, says Bihar CM and JD(U) Chief Nitish Kumar during an election rally in Purnia#BiharElections2020 pic.twitter.com/vLSL4uQd4v

— ANI (@ANI) November 5, 2020

નીતીશ કુમારની જાહેરાતનો મતલબ શું?

1) નીતીશ કુમાર હાલ 69 વર્ષના છે, 5 વર્ષ પછી તેમની ઉંમર 74 વર્ષ થશે.
2) નીતીશ કુમાર ઉંમરના કારણે નિવૃત્ત થવા માંગતા હોય તેવું બને.
3) નીતીશ કુમાર 6 વખત મુખ્યમંત્રી બન્યા છે, હવે જીતો તો 7મી ટર્મ થાય
4) NDAમાં મુખ્યપક્ષ ભાજપ મુખ્ય હોદ્દા માટે 75 વર્ષની ઉંમરબાધની વાત કરે છે
5) નીતીશ કુમાર તેજસ્વી યાદવને મળી રહેલા પ્રતિસાદથી પણ આ જાહેરાત કરતા હોઇ શકે
6) હાર જોઇ ચૂકેલા નીતીશ કુમાર લોકોને સહાનુભૂતિ જીતવા પણ કહેતા હોઇ શકે
7) રાજકારણનો પવન મહાગઠબંધન તરફ નીતીશ કુમાર જોઇ રહ્યાં હોય તેવું પણ બને

જણાવી દઇએ કે, નીતીશ કુમારે વર્ષ 1977માં પોતાની પહેલી ચૂંટણી લડી હતી. તેમણે નાલંદાના હરનૌતથી ચૂંટણી લડી હતી. અહીંથી નીતીશ કુમાર ચાર વખત ચૂંટણી લડ્યા. જેમાં તેમને 1977 અને 1980માં હાર મળી, જ્યારે 1985 અને 1995માં ચૂંટણીમાં તેમને જીત મળી.

નીતીશ કુમારે વર્ષ 2004માં પોતાની છેલ્લી ચૂંટણી લડી હતી, જેમાં તેમને નાલંદાથી જીત મળી હતી. જ્યાર બાદ નીતીશ કુમારે કોઇ ચૂંટણી નથી લડી. નીતીશ કુમારે વર્ષ 1972માં બિહાર ઇન્જિનિયરિંગ કોલેજથી શિક્ષણ મેળવ્યું. તેમણે કેટલાક સમય સુધી બિહાર સ્ટેટ ઇલેક્ટ્રિસિટી બોર્ડમાં નોકરી પણ કરી. પરંતુ જયપ્રકાશ નારાયણ, રામ મનોહર લોહિયા જેવા નેતાઓના સંપર્કમાં આવ્યા બાદ નીતીશ કુમાર રાજનીતિને સમર્પિત થયા.

16 વર્ષથી નથી લડી ચૂંટણી

નીતીશ કુમાર 6 વખત બિહારના મુખ્યમંત્રી રહ્યા. વર્ષ 2004 બાદ તેમણે કોઇ ચૂંટણી નથી લડી. નાલંદાથી સાંસદ રહેલા નીતીશ કુમાર નવેમ્બર 2005માં NDAની રાજ્યમાં સત્તા આવતા મુખ્યમંત્રી બન્યા હતા. તેમણે સાંસદ પદથી રાજીનામું આપીને બિહાર વિધાન પરિષદની સદસ્યતા મેળવી હતી.