બિહાર વિધાનસભા ચૂંટણી માટે NDAમાં બેઠકોની વહેંચણી થઇ ગઇ છે. 243 બેઠકોવાળી બિહાર વિધાનસભાની 115 બેઠકો પર JDU લડશે, તો ભાજપ 112 બેઠકો પર પોતાના ઉમેદવાર ઉતારશે. જોકે, આની સત્તાવાર જાહેરાત બાકી છે.
NDAમાં બેઠકોની વહેંચણી અંગે નિર્ણય
ભાજપ-112, JDU-115 બેઠકો પર લડશે
સત્તાવાર જાહેરાત NDAના નેતાઓ કરશે
NDAના કેટલાક નેતાઓ પ્રેસ કોન્ફરન્સ કરીને માહિતી આપશે, જેમાં બેઠકોની વહેંચણીની જાહેરાત કરવામાં આવશે. મહાગઠબંધનથી અલગ થઇને NDAમાં આવેલી મુકેશ સહનીની પાર્ટી VIP 9 બેઠકો પર લડશે. ત્યારે જીતનરામ માંઝીની પાર્ટી HAM 7 બેઠકો પર પોતાના ઉમેદવારો ઉતારશે. NDAના નેતાઓની પ્રેસ કોન્ફરન્સ સાંજે 5 વાગ્યે થશે, જેમાં CM નીતિન કુમાર પણ સામેલ થશે.
આ પહેલા સોમવારે ભાજપના રાષ્ટ્રીય અધ્યક્ષ જેપી નડ્ડાના ઘરે પર બિહારના કોર કમિટીની બેઠક થઇ. ભાજપ બિહાર કોર કમિટીની બેઠકમાં ડેપ્યુટી મુખ્યમંત્રી સુશીલ કુમાર મોદી અને રાજ્ય પ્રભારી ભુપેન્દ્રસિંહ યાદવ ભાગ લીધો હતો.
ઉલ્લેખનીય છે કે, રાજ્યમાં 28 ઓક્ટોબરથી શરૂ થનારી ચૂંટણીમાં NDAનો મુકાબલો તેજસ્વીના નેતૃત્વમાં ચૂંટણી લડનારા મહાગઠબંધનથી છે. મહાગઠબંધનની વાત કરીએ તો RJD 144, કોંગ્રેસ 70 અને લેફ્ટ પાર્ટીઓ 29 બેઠકો પર લડશે. RJD, કોંગ્રેસ, CPI(માલે), CPI, CPM મહાગઠબંધનનો ભાગ છે. મહાગઠબંધનનું નેતૃત્વ તેજસ્વી યાદવ કરશે.
બિહારમાં ત્રણ તબક્કામાં ચૂંટણી થશે
જણાવી દઇએ કે, બિહારમાં ત્રણ તબક્કામાં વિધાનસભાની ચૂંટણી થશે. પ્રથમ તબક્કાનું મતદાન 28 ઓક્ટોબરે થશે, બીજા તબક્કાનું મતદાન 3 નવેમ્બરે અને ત્રીજા તબક્કાનું મતદાન 7 નવેમ્બરે થશે. જ્યારે ચૂંટણીના પરિણામ 10 નવેમ્બરે જાહેર થશે.