ચૂંટણી / બિહાર વિધાનસભાની ચૂંટણીમાં ભાજપ-જેડીયૂ વચ્ચે થઇ શકે છે આ ફોર્મ્યૂલા

• બિહાર વિધાનસભાની ચૂંટણીને NDA કમર કસી
• BJP-JDU વચ્ચે થઇ શકે છે 50-50નો ફોર્મ્યુલા
• આગામી દિવસોમાં લઇ શકે છે બેઠકો અંગે નિર્ણય

બિહાર વિધાનસભાની ચૂંટણીને NDA કમર કસી છે. ત્યારે BJP-JDU વચ્ચે 50-50નો ફોર્મ્યુલા થઇ શકે છે. બીજી તરફ લોક જનશક્તિ પાર્ટી નેતા ચિરાગ પાસવાનની 143 બેઠક પર એકલા ચૂંટણી લડવાની રાજનીતિએ પણ NDA માટે મુશ્કેલી વધારી છે. સૂત્રોનું માનીએ તો ભાજપ અને જેડીયૂ વચ્ચે બેઠકને લઇને 50:50ના ફોર્મ્યૂલા પર સહમતિ લગભગ બની ચૂકી છે. 2019 લોકસભા ચૂંટણીના ફોર્મ્યૂલાને અપનાવતા 2020 વિધાનસભા ચૂંટણીમાં પણ ભારતીય જનતા પાર્ટી અને જનતા દળ યૂનાઇટેડ વચ્ચે બેઠકોની વહેંચણી બરાબરી થઇ શકે છે. જોકે આ અંગે આગામી દિવસોમાં બેઠકો અંગે નિર્ણય લઇ શકે છે.

2019 લોકસભા ચૂંટણીમાં ભાજપ અને જેડીયૂ 17-17 બેઠક પર ચૂંટણી લડ્યા હતા. આ ફોર્મ્યૂલાને અપનાવતા આગામી બિહાર વિધાનસભા ચૂંટણીમાં પણ બન્ને પક્ષો વચ્ચે બેઠકોની વહેંચણી થઇ શકે છે. આ ફોર્મ્યૂલા હેઠળ જનતા દળ યૂનાઇટેડ 122 અને ભારતીય જનતા પાર્ટી 121 બેઠક પર ચૂંટણી લડી શકે છે.