બિપોરજોય વાવાઝોડાને લઈને હવામાન વિભાગ તેમજ અંબાલાલ પટેલ દ્વારા અનેક આગાહીએ કરવામાં આવી છે. ત્યારે હવે વાવાઝોડું ગુજરાતનાં દરિયાકાંઠા તરફ આગળ વધી રહ્યું છે. ત્યારે વાવાઝોડું ગુજરાત તરફ આગળ વધતા વહીવટી તંત્ર દ્વારા તમામ તૈયારીઓ પૂર્ણ કરી દેવામાં આવી છે.
બિપોરજોય વાવાઝોડું ગુજરાતના દરિયાકાંઠા બાજુ આગળ વધ્યું
દક્ષિણ સોનગઢના ગામોમાં ધીમીધારે વરસાદ શરૂ
ગીર સોમનાથના દરિયા કિનારે ભારે પવન સાથે વરસાદ
ડાંગ જિલ્લાના વાતાવરણમાં આવ્યો પલટો
બિપોરજોય વાવાઝોડાને લઈને તંત્ર એલર્ટ મોડ પર છે. ત્યારે વાવાઝોડું ધીમે ધીમે ગુજરાત તરફ આગળ વધી રહ્યું છે. વાવાઝોડું ઝડપભંર આગળ વધી રહ્યું છે. પોરબંદરનાં દરિયાકાંઠેથી વાવાઝોડું 570 કિમી દૂર છે. જ્યારે વાવાઝોડાના લેન્ડફોલની દિશા આવતીકાલે ખબર પડશે. આગામી 24 કલાકમાં વાવાઝોડું મજબૂત બનશે. પોરબંદરથી 570 કિમી દૂર છે વાવાઝોડું. જ્યારે ગોવાથી 690 કિમી દૂર છે. વાવાઝોડું. મુંબઈથી 610 કિમી દૂર વાવાઝોડું છે. જ્યારે કરાંચીથી 880 કિમી દૂર છે. ત્યારે વાવાઝોડાને લઈ દરિયાકાંઠાનાં વિસ્તારોમાં ભારે પવન અને વરસાદી માહોલ જોવા મળી શકે છે.
સોનગઢ , વ્યારા અને ડોલવણ તાલુકામાં વરસાદ
વાવાઝોડાને પગલે તાપી જીલ્લાના વાતાવરણમાં પલ્ટો આવ્યો છે. સોનગઢ, વ્યારા અને ડોલવણ તાલુકામાં વરસાદ પડ્યો છે. દક્ષિણ સોનગઢનાં ગામોમાં ધીમીધારે વરસાદર શરૂ થયો છે. વાતાવરણમાં પલટો આવતા લોકોને ગરમીમાંથી આંશિક રાહત મળી છે.
ગીર સોમનાથના દરિયાકિનારે વરસાદી ઝાપટું
ગીર સોમનાથનાં દરિયા કિનારે ભારે પવન સાથે વરસાદી ઝાપટું પડ્યું છે. બિપરજોય વાવાઝોડાની અસર ગીર સોમનાથનાં દરિયાકિનારે પણ જોવા મળી હતી. જેમાં ગીર સોમનાથનાં દરિયાકિનારે વરસાદી ઝાપટુ પડ્યું હતું. તેમજ ભારે પવન સાથે વરસાદ વરસ્યો હતો. જ્યારે સુત્રાપાડા, કોડીનાર, વેરાવળ સહિતના તાલુકામાં વરસાદી ઝાપટા પડ્યા હતા.
ભારે પવન અને ગાજવીજ સાથે વરસ્યો વરસાદ
ડાંગ જીલ્લાનાં વાતાવરણમાં પલ્ટો આવ્યો છે. આહવા સહિતના વિસ્તારોમાં વરસાદી વાતાવરણ જોવા મળી રહ્યું છે. વરસાદ વરસતા ચોમાસા જેવું વાતાવરણ સર્જાયું છે. ભારે પવન અને ગાજવીજ સાથે વરસાદ વરસ્યો છે.