મધ્ય-પશ્ચિમી અમેરિકામાં ઠંડીનો પ્રકોપ યથાવત છે. અમેરિકામાં ઠંડીના કારણે 21 લોકોના મોત નિપજ્યા છે. અમેરિકાના ઈલિનોયસ જિલ્લામાં તાપમાન માઈનસ 40 ડિગ્રી સુધી ગગડી ગયું છે. જ્યારે શિકાગોમાં પણ ભારે હિમવર્ષાને પગલે લોકો ઠુઠવાઈ ગયા છે.
મધ્ય-પશ્ચિમી અમેરિકામાં અનેક સ્થળોએ તાપમાન 30-40 ડિગ્રી સુધી ગગડી ગયો છે. હિમવર્ષાના કારણે વાહનવ્યવહારને ભારે અસર પહોંચી છે. બરફના કારણે માર્ગો પર અકસ્માતો વધી રહ્યા છે. તો બીજી તરફ મિશિગનનો આંતરરાજ્ય હાઈ-વે બંધ કરી દેવામાં આવ્યો છે.
તંત્ર દ્વારા પણ લોકોને ઘરમાંથી બહાર ન નીકળવા સલાહ આપવામાં આવી છે. જ્યારે સ્કૂલ અને કોલેજોને પણ ઠંડીના પ્રકોપને લઇને બંધ રાખવામાં આવી છે. હિમવર્ષાને પગલે અહીં 2200 ફ્લાઈટની ઉડાન રદ કરી દેવામાં આવી છે.
હિમવર્ષાના કારણે ટ્રેનના ટ્રેક પર બરફ જામી ગયા છે. જોકે ટ્રેન ચલાવવા માટે ટ્રક પર આગ લગાવવામાં આવી રહી છે અનેક ટ્રેનો પણ રદ કરી દેવાઈ છે. આ બરફના તોફાનમાં જો કોઈ વ્યક્તિ 5 મિનિટ બહાર રહે તો ઠંડીનો શિકાર થઈ શકે છે.
મિનેસોટાના ઈન્ટરનેશનલ હિલ્સ પર તાપમાન માઈનસ 48 ડિગ્રીએ પહોંચી ગયું છે. આ હિમ તોફાનના કારણે પૂર્વોત્તરમાં પણ ઠંડીનું પ્રમાણ વધી શકે છે.ન્યૂયોર્ક સહિત દેશના પૂર્વોત્તર વિસ્તારમાં પણ તાપમાન ઘટી શકે છે. બર્ફિલી હવાઓના કારણે ન્યયોર્કમાં તાપમાન શૂન્યથી નીચે જઈ શકે છે.