કાર્યવાહી / ગાંધીનગર સીરીયલ રેપીસ્ટ કિલર કેસ અને પાંડેસરાની બાળકીના દુષ્કર્મ-હત્યા કેસ મામલે સૌથી મોટા સમાચાર

• ગાંધીનગર-સુરતના બાળકી કેસમાં ચાર્જશીટ દાખલ 
• માત્ર એક જ અઠવાડિયામાં પોલીસે કરી ચાર્જશીટ 
• બાળકીઓના અપહરણ-દુષ્કર્મ-હત્યાની ઘટના 

દિવાળીના દિવસોમાં કાળજા કંપાવી દે તેવી બે ઘટનાઓ ઘટી. ગાંધીનગરના સાંતેજ-ખાત્રજ  અને સુરતના પાંડેસરા વિસ્તારમાં. આ બંને ઘટનામાં ફૂલ જેવી નાની બાળકીઓ સાથે જે જધન્ય અપરાધ આચરવામાં આવ્યો તેથી ગુજરાતભરમાં ફિટકાર વરસ્યો. રાજ્યની પોલીસે અતિ સંવેદનશીલ બનીને આ આ બંને અલગ શહેરની ઘટનાઓનો ભેદ ગણતરીના કલાકોમાં જ ઉકેલી નાખ્યો. જો કે, આ જ રીતે પોલીસ નવસારીની યુવતી પર વડોદારમાં થયેલા દુષ્કર્મનો કેસ ઉકેલવાની નજીકમાં જ છે. 

સાંતેજ કેસમાં 500 પાનાની ચાર્જશીટ 

આ વચ્ચે,સાંતેજમાં સિરિયલ રેપીસ્ટ કિલરની ધરપકડ બાદ,રાજ્યમાં પ્રથમ જ વખત એક જ અઠવાડિયામાં ચાર્જશીટ ફાઈલ થઇ છે આરોપી વિરુદ્ધ 500 પાનાની ચાર્જશીટમાં વધુ 5 ગુના નોંધાયા છે. આ આરોપીએ અગાઉ ચાર લૂંટ આચરી અને  એક મહિલા પર હુમલો પણ કર્યો હોવાની તેમને પોલીસને કેફિયત આપી છે. આ યુવક ખેતરમાં કામ કરતી મહિલા પર હુમલો કરીને લૂંટ કરતો હતો.અને ખાસ કરીને મહિલા અને બાળકીઓને ટ્રાગેટ કરતો હોવાનું તપાસમાં ખુલ્યું છે.

પાંડેસરા કેસમાં 246 પાનાની ચાર્જશીટ 

ગાંધીનગર સાથે જ સુરતના પાંડેસરામાં શ્રમજીવી પરિવારની યુવતીને ઉઠાવી ગયા બાદ અવાવરું જગ્યાએથી તેની લાશ મળી હતી. આ કેસમાં પાંડેસરા-વડોદમાં બાળકીના દુષ્કર્મ બાદ હત્યાનો કેસ બન્યો હતો.જેમાં  પાંડેસરા પોલીસે કોર્ટમાં 246 પેજની ચાર્જશીટ દાખલ કરી છે.પોલીસે દાખલ કરેલી ચાર્જશીટમાં CCTV, ગેઇટ એનાલિસિસ, ફોરેન્સિકના પુરાવાનો સમાવેશ કરવા સાથે, સંયોગિક પુરાવાઓ સાથે  માત્ર 10 દિવસમાં પોલીસે ચાર્જશીટ દાખલ કરી છે.આ ઘટનામાં દિવાળીની રાતે બાળકી ગુમ થતા 72 કલાકે મૃતદેહ મળ્યો હતો અને પોલીસે ગુડડુ બિહારી નામના શખ્સની પણ ધરપકડ કરી છે.આરોપીની ધરપકડના 7 દિવસમાં પોલીસે ચાર્જશીટ દાખલ કરી છે