BIG NEWS / બિપોરજોય વાવાઝોડાને લઈને સૌથી મોટા સમાચાર: આ તારીખે ગુજરાત પાસેથી પસાર થઈ શકે છે ચક્રવાત, જુઓ ક્યાં સૌથી મોટું સંકટ 

• વાવાઝોડા બિપોરજોયને લઈને મહત્વના સમાચાર
• વાવાઝોડુ ગુજરાતના દરિયા કાંઠા નહી ટકરાય
• વાવાઝોડુ બિપોરજોય પાકિસ્તાન બાજુ ફંટાશે
• 10 જૂન ગુજરાત પાસેથી પસાર થશે વાવાઝોડુ
• 12 જૂનના પાકિસ્તાનમાં ટકરાશે વાવાઝોડુ

ગુજરાતમાં જે વાવાઝોડાનો ખતરો મંડરાઈ રહ્યો છે તે બિપોરજોય વાવાઝોડાને લઈને મહત્વના સમાચાર સામે આવ્યા છે. વાત જાણે એમ છે કે, હવે આ વાવાઝોડુ ગુજરાતના દરિયા કાંઠે નહી ટકરાય. વિગતો મુજબ આ વાવાઝોડુ બિપોરજોય પાકિસ્તાન બાજુ ફંટાશે. જેને લઈ હાલની સ્થિતિએ વાવાઝોડાની દિશા પાકિસ્તાન તરફ હોવાનું સામે આવ્યું છે. મહત્વનું છે કે, આગામી 10 જૂન ગુજરાત પાસેથી આ વાવાઝોડુ પસાર થશે અને 12 જૂનના પાકિસ્તાનમાં વાવાઝોડુ ટકરાશે. 

ગુજરાતમાં આજે વહેલી સવારથી ભારે પવન સાથે વરસાદ વચ્ચે હવે એક મોટા સમાચાર સામે આવ્યા છે. વાત જાણે એમ છે કે, ગુજરાત પર હવે બિપોરજોય નામના વાવાઝોડાનો ખતરો મંડરાઈ રહ્યો છે. અરબી સમુદ્રમાં સાયક્લોનીક સિસ્ટમ બનશે જેની અસર આવતીકાલથી ગુજરાત પર જોવા મળશે. જેને કારણે હવે ઉત્તર ગુજરાત, સૌરાષ્ટ્રના વાતાવરણમાં પલટો આવશે. 

બિપોરજોય બોલાવશે બઘડાટી?#Ahmedabad #RainInGujarat #RainInAhmedabad #biporjoycyclone #VTVGujarati #VTVCard pic.twitter.com/yHLme6PhMJ

— VTV Gujarati News and Beyond (@VtvGujarati) June 4, 2023

રાજ્યમાં વધુ એક વાવાઝોડાનો ખતરો મંડરાઈ રહ્યો છે. અરબી સમુદ્રમાં સાયક્લોનીક સિસ્ટમ બનશે. આ સાયક્લોનને બિપોરજોય નામ અપાયુ છે. ગુજરાતમાં આવતીકાલથી આ ચક્રવાતની અસર જોવા મળશે. જેને લઈ ઉત્તર ગુજરાત, સૌરાષ્ટ્રના વાતાવરણમાં પલટો આવવાની સંભાવના વચ્ચે માછીમારોને દરિયા ન ખેડવા સૂચના અપાઈ છે. 

હવામાન વિભાગ દ્વારા ગુજરાતમાં આગામી 5 દિવસ ભારે પવન સાથે વરસાદની આગાહી કરવામાં આવી છે. જેના પગલે આજ વહેલી સવારથી રાજ્યના મોટાભાગના વિસ્તારોમાં પલટો આવ્યો છે. આજ વહેલી સવારથી રાજ્યના મોટાભાગના વિસ્તારોમાં ભારે પવન સાથે વીજળીના કડકા ભડાકા સાથે વરસાદ શરૂ થયો હતો. સાબરકાંઠા, બનાસકાંઠા, પાટણ, પંચમહાલ, અરવલ્લી, મહેસાણા, અમદાવાદ, ગાંધીનગર સહિતના વિસ્તારોમાં ભારે પવન સાથે વરસાદ ખાબક્યો હતો. ભારે પવન સાથે વરસાદ પડતા વાતાવરણમાં એકદમ ઠંકક ફેલાઈ ગઈ છે.