ચીનથી ફેલાયેલા લોકોના મનમાં કેટલાય સવાલ ઉભા થઇ રહ્યા છે કે, તે ઝડપથી પ્રસરી રહ્યો છે. જે ગતિથી તે વાયરસ ફેલાઇ રહ્યો છે તેનાથી ખુબ જ ઝડપથી તેનો ભય અને અફવા ફેલાઇ રહી છે. સોશિયલ મીડિયા પર તેના ઇલાજ અને લક્ષણોને લઇને કેટલીય ભ્રામક જાણકારીઓ ફેલાઇ રહી છે.
વિશ્વમાં ફેલાયો કોરોનાનો કહેર
લોકોમાં ખોટી રીતે ફેલાઇ રહી છે જાણકારી
ભ્રામક માન્યતાઓ થઇ રહી છે વાયરલ
તેને લઇને લોકોના મનમાં કેટલાય સવાલ ઉઠી રહ્યા છે, જેમ કે, શું આલ્કોહોલ જેલથી કોરોના વાયરસને ખત્મ કરી શકાય છે ? શું કોરોના વાયરસ અને વાયરલ ફીવર એક જ છે કે પછી બંન્ને વચ્ચે અંતર છે ? ત્યારે હવે અમે આપને કોરોના સંબંધિત તમામ પ્રશ્નો અને શંકાઓના જવાબ આપીશું.
ભ્રમ : આલ્કોહોલ જેલથી કોરોના વાયરસ અટકતો નથી.
વાયરસને તમારા શરીર સુધી પહોંચાડવાના મુખ્ય માર્ગ તરીકે તમારા હાથ કાર્ય કરે છે. તેથી તમારા હાથને સ્વચ્છ રાખવા એ વાયરસની પકડથી પોતાને બચાવવા માટે એક ખૂબ જ અસરકારક રીત છે. સમયાંતરે તમારા હાથને સાબુ અને પાણીથી ધોઈ લો. જ્યાં આ કરવાનું શક્ય નથી, ત્યાં તમે આલ્કોહોલ વાળા હેન્ડ સેનિટાઇઝરનો ઉપયોગ કરી શકો છો.
એ વાત સાચી છે કે, આલ્કોહોલ જેથી કેટલાક વાયરસ ખત્મ નથી થતાં પરંતુ કોરોના વાયરસની સંચરના એવી છે જેના પર આલ્કોહોલ અસરકારક સાબિત થઇ શકે છે. આલ્કોહોલ 60 ટકાથી વધારે હોય, માઇક્રોબ્સને ખત્મ કરવામાં તે સૌથી પ્રભાવશાળી સાબિત થાય છે.
ભ્રમ : કોરોના વાયરસ વાયરલ ફિવરથી વધુ ખતરનાક છે
મોટાભાગના લોકોને કોરોના વાયરસની ખાસ જાણકારી નથી. કેટલાય લોકો તેને હજીપણ વાયરલ ફિવર સમજી રહ્યા છે જો કે, બંન્ને અલગ છે. સૌથી પહેલા કોરોના વાયરસ વાયરલ ફિવરના મુકાબલે જીવલેણ છે. આ સિવાય કોરોના વાયરસ વાયરલ ફિવરના મુકાબલે વધુ ઝડપથી ફેલાય છે.
ભ્રમ : માસ્કથી કોરોના વાયરસથી બચી શકાય છે
સરેરાશ વ્યક્તિ માટે, કોરોના વાયરસથી બચવા માટે વારંવાર હાથ ધોવા એ સૌથી અસરકારક રીત છે. ફેસ માસ્ક શરદી અને છીંકના કારણે સંક્રમણને રોકવાનું કામ કરે છે. ઉધરસ અને છીંક તેના સંક્રમણનો એક મુખ્ય માર્ગ છે પરંતુ તમામ માસ્ક ખુબ નાના કણોને ફિલ્ટર કરવા માટે સક્ષમ હોતા નથી અને આપણા શરીરમાં આંખોના મારફતે પ્રવેશ કરી શકે છે.
ભ્રમ : વૃદ્ધ લોકોમાં કોરોના ફેલાવાની વધુ શક્યતા
ચીનની વુહાન યુનિવર્સિટી હોસ્પિટલમાં 138 કોરોનાવાયરસથી સંક્રમિત લોકો પર કરવામાં આવેલા અધ્યયનમાં બહાર આવ્યું છે કે, આરોગ્યની સમસ્યાથી પરેશાન વૃદ્ધ લોકોમાં ચેપ લાગવાની સંભાવના વધારે છે. જો કે, યંગસ્ટર્સ પણ તેનાથી ચેપગ્રસ્ત થઈ શકે છે અને અન્યને ચેપ લગાવી શકે છે.