સમગ્ર વિશ્વમાં ચીન પોતાની નકલી ચીજવસ્તુઓ માટે જાણીતું છે. પણ હવે ચીનની જ એક કંપનીએ ચીનને કરોડોનો ચૂનો ચોપડ્યો છે. ચીનમાં ગોલ્ડ રિઝર્વનું 4 ટકા સોનુ એટલે કે 83 ટન સોનુ નકલી છે.
વિશ્વને નકલી ચીજો પધરાવતા ચીન સાથે જ ઠગાઈ
ચીનમાં ગોલ્ડ રિઝર્વનું 4 ટકાથી વધુ સોનુ નકલી
ચીનમાં સૌથી મોટુ કૌભાંડ, દેશનું 83 ટન સોનુ નકલી
આ કૌભાંડ કર્યું છે ચીનની એક મોટી જ્વેલરી કંપનીએ જેનું હેડક્વાર્ટર વુહાનમાં આવેલું છે. કિંગોલ્ડ જ્વેલરી કંપનીએ ચીનની 14 ફાયનાન્શિયલ કંપનીઓ પાસેથી છેલ્લા 5 વર્ષમાં 2.8 બિલિયન ડોલર એટલે કે 21 હજાર 148 કરોડની લોન લીધી હતી. આ લોન લેવા માટે કંપનીએ 83 ટન સોનાની ઈંટ કે બિસ્કિટ જામીન તરીકે બેંકોને આપી હતી.
ચીનને પોતાની જ કંપનીએ ચૂનો લગાડ્યો
ચીનમાં થયેલું આ સૌથી મોટુ કૌભાંડ છે. કંપનીના માલિક પૂર્વ મિલિટ્રી ઓફિસર જિયા ઝિહોંગ છે. જેની કંપની કિંગોલ્ડ જ્વેલરી નેસડેક સ્ટોક એક્સચેન્જમાં લિસ્ટેડ છે. કંપનીની માર્કેટ કે 60.41 કરોડ રૂપિયાની છે.
— Global Compliance Solutions Group LLC (GCSG) (@GCSGLLC) June 29, 2020
તપાસમાં ખુલાસો થયો કે સોનું ખોટું છે
આ કૌભાંડનો ખુલાસો ત્યારે થયો જ્યારે ફેબ્રુઆરી મહિનામાં કિંગોલ્ડ કંપનીએ ડોંગગુઆન ટ્રસ્ટને લોન ન ચૂકવી. ત્યારે ટ્રસ્ટે કંપનીએ મુકેલું સોનુ બહાર કઢાવ્યું. અને જ્યારે તપાસ કરી તો જાણવા મળ્યું કે સોનુ નકલી છે. હવે લોન આપનારી કંપનીઓ કિંગોલ્ડની 32 હજાર 73 કરોડની સંપત્તિથી રૂપિયાની વસૂલાત કરશે.