ગુજરાતમાં વડોદરા શહેરની મધ્યમાંથી પસાર થતી વિશ્વામિત્રી નદીએ મગરોનું ઘર કહેવાય છે. શહેરની વસ્તી સાથે વન્યપ્રાણી જીવો રહેતા હોય તેવુ જવલ્લે જ જોવા મળતું હોય છે. ચોમાસા દરમિયાન વડોદરામાં નદીમાં પાણી આવતા મગર રોડ ઉપર ઉતરી આવતા હોય છે. ત્યારે આજે આસોજ-પીલોલ ગામના નાળામાં 11 ફૂટ લાંબો મગર પડ્યો હતો. 2 કલાકની જહેમત બાદ મગરને બહાર કઢાયો હતો.
રેસ્ક્યુ દરમિયાન વનવિભાગે લીધી JCBની મદદ લેવી પડી હતી
મગર ઈજાગ્રસ્ત થયો હોવાથી પકડ્યા બાદ તેની સારવાર કરવામાં આવી
વડોદરા શહેર અને આસપાસના ગામડાંઓના રહેણાંક વિસ્તારોમાં મગરો આવી જતા હોવાના અનેક કિસ્સાઓ સામે આવી ચૂક્યા છે. આ સાથે મગરના હુમલા બનાવો બની ચૂક્યા છે. તેવામાં આજે વર્ષ 2021નું મગરનું સૌથી મોટું રેસ્ક્યુ ઓપરેશન આજે પાર પાડવામાં આવ્યું હતું.
આસોજ ગામમાંથી 11 ફૂટ લાંબા અને 400 કિલો વજનના મહાકાય ઇજાગ્રસ્ત મગરનું રેસ્ક્યુ કરાયું હતું. નાળામાં ફસાયેલા મગરને જેસીબીથી રેસ્ક્યુ કરાયો હતો.
મગરના રેસ્ક્યુની કામગીરી જોવા લોકોની ભારે ભીડ એકઠી થઇ હતી. ગામમાં આ મહાકાય મગર નવા બની રહેલા નાળામાં ફસાઇ ગયો હતો.
જેને લઇને જીવદયા સંસ્થાના હેમંત વઢવાણા અને ફોરેસ્ટ વિભાગની ટીમની મદદ લેવાઈ હતી. બન્નેએ સંયુક્ત રીતે કામગીરી કરીને મગરના રેસ્ક્યુનું ઓપરેશન પાર પાડ્યું હતું.
નાળામાં ફસાયેલા મગરને નાકના ભાગે ઈજા થઈ હોવાથી વઢવાણા ટીમના 15થી 20 કાર્યકરોએ મગરને રેસ્ક્યુ કરવા JCBની મદદ લેવાઇ હતી. 2 કલાકની જહેમત બાદ સલામત રીતે મગરને બહાર કાઢવામાં આવ્યો હતો.
મહાકાય મગરના બચાવ કાર્યમાં ખુબ જ સાવચેતી રાખવાને કારણે મગર તથા રેસ્ક્યૂ કરનારનો કોઇ ઇજા થઇ ન હતી. મગરને બાંધી દેવાયા બાદ યુવકો તેની ઉપર બેસી ગયા હતા જેથી મગર શાંત થયો હતો.
મગર ઈજાગ્રસ્ત થયો હોવાથી બહાર કઢાયા બાદ તેની સારવાર કરવામાં આવી હતી. ત્યારબાદ ફોરેસ્ટ વિભાગને સોંપવામાં આવ્યો હતો.