'બિગ બૉસ કપલ' પ્રિન્સ નરૂલા અને યુવિકા ચૌધરી શુક્રવારે રાતે લગ્નમાં બંધનમાં બંધાયા હતા. બંનેના લગ્ન મુંબઇની એક હોટલમાં પંજાબી રીત રિવાજથી થયાં હતા. યુવિકા લગ્નમાં લહેંગમાં ખૂબ જ સુંદર લાગી રહી હતી. તેણે મરૂન અને ગોલ્ડન કલરનો લહેંગો પહેર્યો હતો જ્યારે પ્રિન્ય વ્હાઇટ અને ગોલ્ડન કલરની શેરવાની પહેરી હતી. આ બંનેની જોડી પરફેક્ટ લાગી રહી હતી.
લગ્નમાં પ્રિન્સ-યુવિકા રોમાન્ટિક અંદાજમાં જોવા મળ્યાં હતાં. પ્રિન્સે યુવિકાને જયમાળા પહેરાવ્યા પછી કિસ કરી તો યુવિકાએ પણ પ્રિન્સને ફોરહેડ પર કિસ કરી હતી.
પ્રિન્સ રોડીઝ બિગ બોસ બઢો બહુ જેવી સીરિયલ્સમાં કામ કરી ચૂક્યો છે. જ્યારે યુવિકા ચૌધરીએ ઓમ શાંતિ ઓમ ફિલ્મથી લઇને અનેક આલ્બમ્સમાં કામ કરી ચૂકી છે.
આ કપલ જ્યારે બિગ બોસમાં મળ્યા ત્યારથી એકબીજાને પસંદ કરવા લાગ્યા અને લાંબા સમય સુધી ડેટ કરતાં હતા. અંતે લાંબા સમય પછી ડેટ કર્યા પછી બંને લગ્નના બંધનમાં જોડાયા હતા.