બિગ બોસ 14ના હાલના વીકેન્ડના વાર એપિસોડમાં સલમાન ખાને ઘરના કન્ટેસ્ટન્ટને એક વીડિયો દેખાડ્યો. આ વીડિયો રાખી સાવંત, અર્શી ખાન અને સલમાન ખાનની મિમિક્રીનો છે. કન્ટેસ્ટન્ટ આ વીડિયો જોઈને ખુશ થઈ ગયા. રાખી સાવંત પણ આ વીડિયો જોઈને ખુશ થઈ ગઈ. આ વીડિયો પોપ્યુલર ઈન્ટાગ્રામ કન્ટેન્ટ ક્રિએટર રોનિત આશરાએ બનાવ્યો છે. તે માત્ર 16 વર્ષનો છે.
રોનિત આશરાએ ઘણાં બોલિવૂડ એક્ટર અને એક્ટ્રેસના વીડિયો ટિકટોક પર બનાવ્યા હતા જે ઘણાં પોપ્યુલર થયા હતા. તેણે હાલમાં જ રાખી સાવંત, અર્શી ખાન અને સલમાન ખાનની મિમિક્રીનો પણ વીડિયો બનાવ્યો છે. કલર્સે પોતે તેના ઈન્સ્ટાગ્રામ એકાઉન્ટ પર આ વીડિયો શેર કર્યો છે. સલમાન ખાને શોમાં રોનિતના આ વીડિયોની ખૂબ પ્રસંશા કરી હતી. આ વીડિયો સોશિયલ મીડિયા પર પણ ધૂમ મચાવી રહ્યો છે.
તમને જણાવી દઈએ કે, રોનિત 16 વર્ષનો એક ઈન્સ્ટાગ્રામ કન્ટેન્ટ ક્રિએટર છે. જે પોતાની એક યૂટ્યૂબ ચેનલ પણ ચલાવે છે. તે દિલ્હીનો છે અને સોશિયલ મીડિયા પર ઘણો જ પોપ્યુલર છે. તેણે ટિકટોક પર ફની વીડિયોઝ બનાવવાનું શરૂ કર્યું હતું. આ દરમિયાન તેણે આલિયા ભટ્ટ, અનન્યા પાંડે, શહનાઝ ગિલ સહિત ઘણાં કલાકારોને મિશ્રિત કર્યા છે.
રોનિત મિમિક્રી કરતી વખતે એવો લુક કેરી કરવાની પણ કોશિશ કરે છે. ટિકટોક બેન થયા બાદ તેણે ઈન્સ્ટાગ્રામ પર વીડિયોઝ બનાવવાનું શરૂ કર્યું. ટિકટોકની જેમ ઈન્સ્ટાગ્રામ પર પણ તેના વીડિયોને ખૂબ જ પસંદ કરવામાં આવી રહ્યાં છે. તેના ઈન્સ્ટાગ્રામ પર 1.4 મિલિયનથી વધુ ફોલોઅર્સ છે.