દુઃખદ / Bigg Boss વિનર અભિનેતા Sidharth Shukla નું 40 વર્ષની ઉંમરે નિધન

• અભિનેતા સિદ્ધાર્થ શુક્લાનું નિધન 
• 40 વર્ષની વયે નિધન 
• હાર્ટ એટેકથી થયું મોત 

અભિનેતા અને બિગબોસ વિનર સિદ્ધાર્થ શુક્લાનું ગુરુવારે નિધન થઈ ગયું છે. મુંબઈના કૂપર હોસ્પિટલમાં સિદ્ધાર્થનું નિધન થવાની ખબર આવી રહી છે. હોસ્પિટલે નિધનની ખબર પર પુષ્ટિ કરી છે. જાણકારી અનુસાર 40 વર્ષિય સિદ્ધાર્થ શુક્લાનુ હાર્ટ એટેકના કારણે મોત થયું છે. 

રાતે સુતા પહેલા લીધી હતી દાવ
જાણકારી અનુસાર, અભિનેતા સિદ્ધાર્થ શુક્લાને રાતે સુતા પહેલા અમુક દવાઓ લીધી હતી પરંતુ ત્યાર બાદ તે ઉભા ન થઈ શક્યા. હોસ્પિટલે બાદમાં પુષ્ટી કરી છે કે સિદ્ધાર્થનું મોત હાર્ટ એટેકના કારણે થયું છે. 

કપૂર હોસ્પિટલના જણાવ્યા અનુસાર સિદ્ધાર્થ શુક્લાને ગુરુવારે સવારે જ્યારે હોસ્પિટલ લઈ જવામાં આવ્યા તો તેમનું મોત થઈ ચુક્યું હતું. સિદ્ધાર્થના અચાનક નિધનના કારણે બોલિવુડ અને ટીવી ઈન્ડસ્ટ્રી શોકમાં છે. તમામ અભિનેતા અને અભિનેત્રીઓ દ્વારા સિદ્ધાર્થને શ્રદ્ધાંજલી આપવામાં આવી રહી છે. 

બાલિકા વધુથી મળી ઓળખાણ
ટીવી ઈન્ડસ્ટ્રીનું મોટુ નામ સિદ્ધાર્થ શુક્લાએ રિયાલીટી શો બિગ બોસના 13માં સીધનમાં જીત મેળવી હતી. તે ઉપરાંત તેમણે ખતરો કે ખીલાડીની 7મી સીઝન પણ પોતાના નામે કરી હતી. સીરિયલ બાલિકા વધુથી સિદ્ધાર્થ શુક્લાને દેશના ધરે ધરમાં ઓળખ મળી હતી. 

મોડલિંગ કરિયરથી કરી હતી શરૂઆત
મુંબઈમાં 12 ડિસેમ્બર 1980એ જન્મેલા સિદ્ધાર્થ શુક્લાએ પોતાના કરિયરની શરૂઆત મોડલિંગથી કરી હતી. વર્ષ 2004માં તેમણે ટીવી દ્વારા પોતાનું એક્ટિંગ ડેબ્યુ કર્યું હતું. 2008માં તે બાબુલ કા આંગન છૂટેના નામની એક ટીવી સીરિયલ કરી હતી પરંતુ તેમને ઓળખ બાલિકા વધુ સીરિયલમાં મળી. તેનાથી તેમને ઘરે ઘરે ઓળખાણ મળી હતી. 

બોલિવુડમાં પણ કરી એન્ટ્રી
ટીવી ઈન્ડસ્ટ્રીમાં સફળતા બાદ સિદ્ધાર્થ શુક્લાએ બોલિવુડમાં પણ એન્ટ્રી કરી હતી.  વર્ષ 2014માાં આવેલી હંપટી શર્મા કી દુલ્હનીયા ફિલ્મમાં તે જોવા મળ્યા હતા. આ વર્ષે તેમની બ્રોકન બટ બ્યૂટીફૂલ નામની એક વેબ સીરીઝ આવી હતી. તેમાં પણ તેમના ખૂબ વખાણ થયા હતા.